Exodo 12:8 - Ing Mayap a Balita Biblia

⁸ King benging ita sukat minangnang ing laman at mapangan a kayabe ding mapait a gule at ning tinape alang lebadura.

Exodo 12:8 Iomraidhean Croise

2 Cronica 35:13

Linitsun de ing biserung tupa a mitalaga, agpang king tuntunan. Linutu ra karing kuran, kaldera, at palanggana ding banal a ain. Binie rang malalagua karing tau inyang lutu na.

Ding Dalit 22:14

Ing sikanan ku mebating; ing kalupa na danum a mitugtug king gabun; mengalisia-lisia la sablang kakung butul. Pusu ku anti yang kandila; kilub ning kakung salu malalaso ya.

Exodo 1:14

At alang lunus da lang pepagawan laryu at binie da karela ing sablang mabayat a obra king marangle.

Exodo 12:9

E ye kakanan sagiwa o linaga; kanan yeng melitsun kabilugan pati na ing buntuk, ding bitis, at ing laman lub.

Exodo 13:3

Nganang sinabing Moises karing tau, Tandanan ye ing aldong iti, ing aldo pamaglako yu Ehipto, ing lugal nung nukarin kayu me-ipus. Iti ya ing aldo a liwal na kayu ning Ginu king kapamilatan na ning maragul nang upaya. Alang mapangan tinape ating lebadura.

Exodo 13:7

E kayu mamangan tinape ating lebadura kilub ding pitung aldo; e sukat mika lebadura o tinape ating lebadura nukarin man king lugal yu.

Exodo 23:18

E yu la abayanan karing tinape ating lebadura ding animal a iyain yu kanaku. E yu naman paburen mikakabukasan ing taba ra ding animal a inain yu kanaku kareting atlung selebrasyun.

Exodo 34:25

E kayu mamain tinape a ating lebadura neng miyayain kayung animal kanaku. E ye paburen miras mikabukasan ing isanu pa mang dake na ning animal a miyain king Piesta ning Pamaglagpus.

Isaias 53:10

Ngana ning Ginu, Kaburian ku ing dumalan yang kasakitan; metung yang ain-sakripisyu ing kamatayan na ban mipatawaran ing kasalanan. Inya akit na lang lahi na; kumaba ya bie at king kapamilatan na ing parasan ku magtagumpe.

Amos 4:5

Sulung, iyain yu la ding kekong tinape ating lebadura bilang kekong ain-a-kapasalamatan king Dios at pagparangalan yu la ding aliwa yu pang ain! Uling iti ing bage a tutu yung kapad daraptan.

Zacarias 12:10

Katmuan ku la ding lahi nang David at ding aliwang memalen na ning Jerusalem king espiritu ning lunus at panalangin. Lumawe la ketang pete ra king tandus, at panangisan de antimo detang manangis king karelang kabubugtungan a anak. Manangis lang kapait-paitan anti detang kematen king anak dang pangane lalaki.

Mateo 16:12

Kanita da pa mu aintindian king aliwa ing lebadura dang gagamitan karing tinape ing papangilag na karela nune ing turu da ring Pariseo at Saduseo.

Mateo 26:26

Kabang mamangan la, kinangwa yang tinape i Jesus; pepasalamat ya king Dios, pemirasu ne ing tinape at binie ne karing alagad na. Ngana, Tanggapan ye iti at kanan ye; iti ya ing kanakung katawan.

Galacia 5:9

Ngana ning kasebian, Ing ditak a lebadura agyu nang papagalsan ing kabilugan a masa.

Deuteronomio 16:7

Ilaga ye at kanan ketang lugal a pinili na ning Ginung kekayung Dios. Malyari na kayung muli karing tolda yu itang kabukasan.

1 Tesalonica 1:6

Mekiapus kayu kekami at king Ginu. Tinggap ye ing Mayap a Balita at uli na niti dinalan kayung dakal a kasakitan. Makanyan man, menatili pa mu rin kekayu ing tula a babie na ning Banal a Espiritu.