Exodo 12:6 - Ing Mayap a Balita Biblia

⁶ Kaybat sesen yu la angga king sisilim na ning kalabing apat a aldo ning bulan at paten na la ning mabilug a balen ning Israel deting mesabing animal.

Exodo 12:6 Iomraidhean Croise

2 Cronica 35:1

Pigselebran ne king Jerusalem ning Aring Josias ing Piesta ning Pamaglagpus bilang parangal king Ginu, at king kalabing apat nang aldo ning mumunang bulan pete da la ring animal para king piesta.

Ezra 6:19

King kalabing apat nang aldo ning mumunang bulan pigselebran de ring mibalik a Judiong miyugse ing Pamaglagpus.

Exodo 12:14

Sukat yeng pagselebran ing aldong iti bilang piestang parangal king Ginu ban e yu kalinguan ing depatan ku, ing Ginu. Pagselebran ye king kapilan pa man.

Exodo 12:17

Sukat yeng gampanan iting Piesta ning Tinape Alang Lebadura uling king aldong iti kanita ku la ngan liwal ibat Ehipto ding tribu yu. Pagselebran ye iting aldo bilang metung a piesta karing panaun a datang pa.

Exodo 12:18

E kayu mamangan tinape ating lebadura manibat king sisilim ning kalabing apat a aldo ning mumunang bulan angga king sisilim ning kaduang pulu't metung a aldo.

Exodo 12:47

Sukat yang magselebra kaniting Pamaglagpus ing mabilug a balen ning Israel.

Exodo 16:1

Ibat Elim miglakbe la ring memalen na ning Israel, at king kalabing limang aldo ning kaduang bulan manibat kanitang meko la Ehipto miras la king disyerto ning Sin a atyu pilatan na ning Elim at ning Sinai.

Exodo 16:12

Dimdam ku ing reklamu da ring Israelita. Sabian mu karela king manikua lang karning apangan da potang sisilim na, at mika tinape anggang bisa la neng abak. Kanita ra akilala king aku, ing Ginu, ing Dios da.

Exodo 19:1

Miras la ding Israelita king disyerto ning Sinai kaybat ning atlung bulan ning paglako ra king Ehipto.

Exodo 29:39

Iyain ye ing metung neng abak at ing metung neng sisilim na.

Exodo 29:41

Iyain ye ing kaduang biserung tupa potang malapit nang datang ing bengi at kayabe na iyain yu naman ing arina, larung olibo, at alak a kasing dakal na nitang king abak. Iti maging ain yang kakanan a miyain kanaku, ing Ginu, at babie tula kanaku ing bau na niti.

Isaias 53:6

Mengari tamung tupang mebating; ing balang metung kekatamu minarap ya king sarili nang dalan. Oneng ing Ginu tilutan nang dugpa king keyang talasuyu ing kaparusan, itang parusang kekatamu mangaintuliran.

Ezekiel 45:21

King kalabing apat namang aldo ning mumunang bulan, pagselebran ye ing Piesta ning Pamaglagpus. E kayu mamangan tinape a ating lebadura kilub ding pitung aldo.

Levitico 23:5

Ing Piesta ning Pamaglagpus a magumpisa king sisilim ning kalabing apat a aldo na ning mumunang bulan.

Ding Bilang 28:16

Ing kalabing apat nang aldo ning mumunang bulan ya ing Piesta ning Pamaglagpus a pagselebran bilang pakundangan king Ginu.

Ding Bilang 28:18

King mumunang aldo ning piesta, mitipun kayu ban samba. E kayu magobra king aldong iti.

Ding Bilang 9:11

Pagselebran de king bengi na ning kalabing apat nang aldo ning tutuking bulan king kapamilatan ning tinape alang lebadura at gule mapait.

Mateo 27:20

Ding pamuntuk da ring pari at ding makatua ning balen sitsutan da no man ding tau ba rang aduan kang Pilato ing ipabulus ne i Barabas at ipapate ne i Jesus.

Mateo 27:25

Ngarang mekibat ding sablang tau, Ing pakibatan dugpa kekami at karing anak mi.

Marcos 15:1

Kabukasan ning abak a maranun, mipulung la ding pamuntuk da ring pari, ding makatua na ning balen, ding talaturu ning Kautusan, at ing kabilugan a Sanhedrin. Pepagapus de i Jesus at dela re kang Pilato.

Marcos 15:11

Oneng ding pamuntuk da ring pari sitsutan da la ring tau ban aduan da king i Barabas ya ing ibulus na.

Marcos 15:25

Alas nuebe na ning abak inyang pinaku re king krus.

Marcos 15:8

Linapit la ding tau at inawad da kang Pilato king daptan na na ing sadiang pamibulus metung a preso.

Lucas 23:1

Tinalakad ya ing mabilug a kapulungan at dela re i Jesus arapan nang Pilato.

Lucas 23:18

Oneng kilisak dang agnan-agnan ding dakal a tau, Paten ya ing taung yan! Ibulus ya i Barabas! (

Ding Dapat 2:23

Ing Dios, king sarili nang kaburian at kabiasnan, telaga na nang makapauna king miyabie ya i Jesus kekayu, at pete ye inyang peintulut yung ipaku de king krus ding e mayap a tau.

Ding Dapat 3:14

Banal ya at mayap, oneng tinggian ye at inawad kang Pilato, antimong dapat nang mayap kekayu, ing ibulus ne ing metung a mekamate tau

Ding Dapat 4:27

At iti pin ing mapapalyari: keni mismu Jerusalem, i Herodes ampon i Pilato mekipulung la karing paganu at karing memalen na ning Israel laban kang Jesus, ing banal mung Talasuyu at kekang Pinili.

Josue 5:10

Kabang makakampu la Gilgal king kapatagan ning Jerico pigselebran de ing Pamaglagpus king kabengian na ning kalabing apat na ning bulan.