Exodo 12:43 - Ing Mayap a Balita Biblia

⁴³ Ngana ning Ginu kang Moises at Aaron, Oreni ding tuntunan para king Pamaglagpus. E ya malyaring makisulu kaniti ing ninumang dayuan,

Exodo 12:43 Iomraidhean Croise

2 Cronica 30:18

Dakal la munaman ding taung ibat king tribu ning Efraim, Manase, Isacar, at Zebulun ding e dinalan king pamaglinis, agpang king aduan ning kautusan. Makanyan man, mekapangan la karing ain, uling menalangin ya i Aring Hezekia para karela. Nganang menalangin, Sana king kayapan mu, O Ginu, patawaran mu la

Exodo 12:11

Malagua yeng kanan. Miblas kayu para king makabang lakaran, makasulud na la ding sandalyas yu at talnan ye king metung yung gamat ing tukud yu. Iti ing pamagselebra king Pamaglagpus bilang parangal kanaku, ing Ginu.

Exodo 12:48

Alang taung e mesirkunsisyun a malyaring makiabe kaniti. Nung ing metung a taung dayuan a mekipamalen kekayu bisa yang magselebra king Pamaglagpus ban parangalan ne ing Ginu, kailangan ing masirkunsisyun ya pa mu at ding sablang lalaking katubale na. Kanita ya pa mu dapat pakiutusan bilang metung a tubu Israel, at kaybat malyari neng makiabe mangan king Pamaglagpus.

Ezekiel 44:7

Mesalaula ya ing Templo ku uling peintulutan yu lang linub ding dayuan a e mesirkunsisyun at ding marinat a pamisip at pusu inyang inain yu ing taba at ing daya da ring animal para ain-sakripisyu. Inya dinatan de ing Templo ku. At ikayu naman, subali pa karetang bage makasumaming depat yu, lebagan ye pa ing kakung kasunduan.

Levitico 22:10

E ya malyaring makapangan king bage sagradu ing ninumang e miembru king pamilya ning pari, at pati na detang makipanuknangan king pari o detang makipagobrang upahan na.

Levitico 22:13

Nung mabalu ya ing anak na o diborsiada ya at ala yang anak, kaybat minuli ya bale nang tata na, kanita ya pa malyaring makapangan king pamangan nang tata na a pari. Bukud mung ing miembru na ning pamilyang pari ya ing makapangan king pamangan a miyain.

Ding Bilang 9:14

Nung ing metung a dayuan a makipamalen kekayu buri neng pagselebran ing Pamaglagpus ning Ginu, sukat neng pagselebran agpang karing kautusan at tuntunan. Para karing sabla ya iting patakaran, taga Israel ya man o dayuan ya.

Efeso 2:12

E yu kakalinguan king kanitang panaun a milabas makawale kayu kang Cristo; e kayu kabilang king balen Israel at e ra kayu sakup ding kasunduan nung nu la makalaman ding pangaku na ning Dios. Mibiebie kayu kanita king yatu anting alang kapanayan at alang Dios.

1 Samuel 2:27

Misan a aldo lepitan ne ning metung a propeta i Eli. Ngana, Oyni ing sasabian na ning Ginu: Pepakilala ku ing sarili ku king pamilya na ning penibatan mu inyang atyu la pa karin Ehipto bilang ipus na ning ari ning Ehipto.