Exodo 12:41 - Ing Mayap a Balita Biblia

⁴¹ Meko la Ehipto ding sablang memalen na ning Ginu king aldo a miyangganan la deting apat a ralan at atlung pulung banua.

Exodo 12:41 Iomraidhean Croise

Genesis 50:24

Nganang Jose karing kapatad na, Malapit na kung mate. Pero e na kayu paburen ning Dios. Ilual na kayu king bansang iti at idala king gabun a pengaku na kang Abraham, Isaac, at Jacob.

1 Ari 6:1

Pegumpisan neng pepatalakad Solomon ing Templo kanitang bulan ning Ziv, king kaduang bulan na ning kapat nang banuang pamag-ari king Israel at king kapat a ralan walung pulung banua kaybat dang meko king Ehipto ding Israelita.

2 Cronica 14:12

King saup ning Ginu, simbut na lang Asa at ding sundalus na ding kalaban a tau Cus at tinakas la.

Ding Dalit 102:13

Talakad ka at lunusan me ing Zion; oras na ban keka yang lunusan; ing takdang panaun miras na ban keka yang sakluluan.

Ding Dalit 114:1

Inyang ing Israel meko ya king Ehipto, kanitang ing lahi nang Jacob likuan de ing bansang dayuan,

Ding Dalit 136:11

Liwal ne king Ehipto ing balen ning Israel; uling ing lugud na alang angga.

Exodo 12:17

Sukat yeng gampanan iting Piesta ning Tinape Alang Lebadura uling king aldong iti kanita ku la ngan liwal ibat Ehipto ding tribu yu. Pagselebran ye iting aldo bilang metung a piesta karing panaun a datang pa.

Exodo 12:51

King aldong ita liwal na la Ehipto ning Ginu ding tribu na ning Israel.

Exodo 13:14

King daratang a panaun, potang ikutang na ning anak yung lalaki nung nanu kabaldugan iting daraptan yu, ipakibat yu, King pamangamit na king maragul nang upaya, liwal na katamu ning Ginu king Ehipto, ing lugal nung nukarin tamu meging ipus.

Exodo 13:16

Metung yang pamigaganaka iting panugali; mengari ya king metung a bage tinali tamu king kekatamung gamat o kaya karing kanuan tamu ban ipaganaka na kekatamu king liwal na katamu ning Ginu king Ehipto uli na ning maragul nang upaya.

Exodo 13:3

Nganang sinabing Moises karing tau, Tandanan ye ing aldong iti, ing aldo pamaglako yu Ehipto, ing lugal nung nukarin kayu me-ipus. Iti ya ing aldo a liwal na kayu ning Ginu king kapamilatan na ning maragul nang upaya. Alang mapangan tinape ating lebadura.

Exodo 13:9

Maging kapigaganakan ya iting selebrasyun; mangari ya king metung a bage tinali yu king gamat yu o kaya king kanuan yu, at ipaganaka na kekayu king alang patugut yeng kikilalanan at pagaralan ing Batas ning Ginu, uling liwal na kayu ning Ginu ibat king Ehipto king kapamilatan na ning maragul nang upaya.

Exodo 3:10

Me keni; tuburan da ka king ari ning Ehipto ban kanita ilual me king Ehipto ing balen kung Israel.

Exodo 3:8

Inya tinipa ku ban iligtas ku la king gamat da ring tau Ehipto at idala ku lang lual Ehipto king gabun a malualas at mataba nung nukarin labis-labis ing kabiayan. Iti ya ing gabun da ring Cananeo, Hiteo, Amoreo, Perezeo, Heveo, at Jebuseo.

Exodo 6:26

I Aaron at i Moises ila kabud ding inutusan na ning Dios ban panimunan la at ilual Ehipto ding Israelita, agpang king tribu da.

Exodo 6:6

Inya sabian mu karing Israelita king iti ya ing sasabian ku karela, Aku ing Ginu, iligtas da kayu king kasakitan a daralanan yu karing gamat da ring tau Ehipto. Ilako da kayu king panga-ipus yu karela. Ipagpa ku karela ing bayat ning pamamarusa ku at sagipan da kayu.

Exodo 7:4

Kaybat na nita, ipagpa ku ing mangabayat a parusa king Ehipto at panimunan ku la ding taung pinili ku, ing balen ning Israel, king paglual da Ehipto.

Daniel 9:24

Pitung besis a tiapitung pulung banua ya ing kaba ning panaun a tikda ning Dios para mayatbus la king kasalanan at king e mayap ding kekang kabalen at ing banal a siudad. Mipatawaran ing kasalanan at mag-ari ing alang anggang hustisia ban ing vision at ing ula mipaltutu, at mitalaga yang pasibayu king Dios ing banal a Templo.

Levitico 23:43

ban kanita abalu da ring anak yu king menuknangan la ding Israelita karing tolda inyang liwal ku la ibat Ehipto. Aku ing Ginu, ing kekayung Dios.

Habakuk 2:3

Isulat mu uling e pa miras ing panaun para mipatutuan iti. Oneng mabilis neng daratang ing panaun ban ing papakit ku keka mipaltutu. Balamu mabagal ing paniatang na, oneng panayan me, siguradung marapat; e ya mayantala.

Ding Bilang 23:22

Ya ing milual karela king Ehipto; mas masikan ya kesa king malyap a toro.

Ding Bilang 33:1

Iti ing istoria na ning pamaglakbe da ring memalen na ning Israel manibat inyang meko la Ehipto, agpang karing karelang tribu, lalam nang pamanimunang Moises at Aaron.

Juan 7:8

Ikayu na mung makipamiesta. E ku tumagun uling e pa panaun ban kimut ku.

Ding Dapat 1:7

Pekibat nang Jesus karela, Ing kayupayan nang Ibpa ku ya ing mitutuldu karing panaun at karing aldo, at e mangaintulid kekayu ing pakibaluan pa nung kapilan la datang.

Ding Dapat 7:36

Tinaid na la at liwal Ehipto at dinapat yang milagru at makapagmulalang bage karin at king Dagat a Malutu at king disyerto kilub ding apat apulung banua.

Deuteronomio 16:1

Paselebran ye ing Pamaglagpus king bulan na ning Abib bilang parangal king Ginung kekayung Dios, ing milual kekayu king Ehipto king misan a bengi na ning bulan ning Abib.

Deuteronomio 4:37

Uli na ning lugud na karing makatua yu, pinili na kayu at king kapamilatan na ning maragul nang upaya liwal na kayu king Ehipto.

Josue 24:5

Kaybat tinubud ke i Moises at Aaron at pigdala keng maragul a kaguluan ing Ehipto, oneng liwal da kayu.

Josue 5:14

Mekibat ya, E ku kakampi kenu man; atyu ku keti bilang pamuntuk da ring sundalus na ning Ginu. Migsakab ya i Josue king gabun bilang pamanyamba na at ngana, Talasuyu mu ku, ginu. Nanu ing buri mung daptan ku?