Exodo 12:3 - Ing Mayap a Balita Biblia

³ Ipayabut yu la deting panabilin king mabilug a balen ning Israel: King kapulung aldo na niting bulan ing balang lalaki mamili yang metung a biserung tupa o biserung kambing para karing katubale na.

Exodo 12:3 Iomraidhean Croise

Genesis 22:8

Anak ku, ing Dios ya ing balang munie king tupang paten ta! nganang mekibat Abraham. At sindu da ring mitata ing pamaglakad da.

Genesis 4:4

I Abel naman migdala yang metung karing pangane biseru karing tupa na, at inain na ing masanting diling dake. Metula ya ing Ginu kang Abel at king daralan nang ain.

2 Cronica 35:7

Minie yang atlung pulung libung biserung tupa at kambing i Josias para iyain da ring memalen king Piesta ning Pamaglagpus. Minie ya namang atlung libung toro.

Exodo 12:2

Iti ya ing sukat maging mumunang diling bulan na ning pabanua para kekayu.

Exodo 12:21

Pepayaus na la ngan Moises ding sablang manimuna na ning Israel at ngana karela, Munta kayu karing kawan at mamili kayung biserung tupa o biserung kambing, at paten yu la ban apagselebran de ring pamilya yu ing Pamaglagpus.

Exodo 12:4

Nung tutu yang malati ing pamilya na at e ne agyung gisanan ing kabilugan a animal, ya ampon ing kasiping nang bale malyari reng pirakayan ing metung a animal, agpang king bilang da ring tau ampon king agyu nang kanan ning balang katau.

Exodo 12:6

Kaybat sesen yu la angga king sisilim na ning kalabing apat a aldo ning bulan at paten na la ning mabilug a balen ning Israel deting mesabing animal.

Exodo 14:15

Ngana ning Ginu kang Moises, Obat ala kang patugut mamaus pasaup? Sabian mu karing tau king isulung da na ing lakad da!

Exodo 20:19

Ngara kang Moises, Makiramdam kami nung ika ing magsalita kekami, oneng e ne sana magsalita kekami ing Dios, pota mate kami.

Exodo 4:30

Sinabi nang Aaron karela ing sablang sinabi na ning Ginu kang Moises at kaybat gewa na lang Moises detang sablang bage pagmumulalan king akakit da ring tau.

Exodo 6:6

Inya sabian mu karing Israelita king iti ya ing sasabian ku karela, Aku ing Ginu, iligtas da kayu king kasakitan a daralanan yu karing gamat da ring tau Ehipto. Ilako da kayu king panga-ipus yu karela. Ipagpa ku karela ing bayat ning pamamarusa ku at sagipan da kayu.

Ezekiel 40:1

Kapulu nang aldo kanita ning bayung banua ning kaduang pulu't limang banua ning pangayugse mi at kalabing apat a banua na ne man ning pangabagsak ning Jerusalem. King aldong ita penamdaman ku ing mayupaya nang panga-atyu ning Ginu at kaybat leko na ku karin.

Levitico 1:2

Moises, sabian mu iti karing Israelita: Ing karapatdapat a iyain neng mamain kayu kanaku, ing Ginu, ya ing baka, tupa o kaya kambing.

Levitico 5:6

Ban mipatawaran ya, sukat yang miyain kanaku, ing Ginu, metung a babaing tupa o kaya babaing kambing. Iyain ne iti ning pari para king pangapatawaran na ning mikasala.

Ding Bilang 15:11

Makanyan ing daptan neng miyayain kayung toro, lalaking tupa, biserung tupa o biserung kambing.

Juan 1:29

Kabukasan, ikit neng Juan i Jesus at lalapit ya keya. Nganang Juan, Oyan ing Kordero ning Dios a milalako king kasalanan ning yatu!

Juan 1:36

Ikit neng lalabas i Jesus at nganang sinabi, Oyan ing Kordero na ning Dios!

Juan 12:1

Anam a aldo bayu ing Piesta ning Pamaglagpus, minta ya i Jesus king Betania, ing balen nang Lazaro a pepasublian nang mebie.

Juan 12:12

Kabukasan, abalitan da ring dakal a taung dinatang makipamiesta king datang ya i Jesus.

1 Corinto 5:7

Kailangan yeng ilako iting matuang lebadura na ning kasalanan ban maging ganap kayung malinis. Kanita maging bayu kayung masa a alang nanumang lebadura a antimo ing tune kung sadiang balu tungkul kekayu. Makasadia ne ing kekatamung Pamaglagpus, ngening i Cristo, ing biserung tupa na ning Pamaglagpus, misakripisyu ne.

Josue 7:14

Inya sabian mu karela king potang abak lumapit la agpang king karelang tribu. Lumapit ya ing tribung tulduan ku agpang king pamilya na. Lumapit ya ing pamilyang tulduan ku agpang king pamilya na, at lumapit ya ing balang pamilyang tulduan ku.

Kapahayagan 13:8

Samban de ring sablang mabibie keti king yatu; detang e misulat a lagyu king libru na ning bie bayu ya melalang ing yatu. Ingatan ne ning Korderong pete ra iting libru.

1 Samuel 7:9

Kanita kinangwa yang metung a sususu pang tupa i Samuel at saka ne inain kabilugan bilang ain-a-durulukan king Ginu. Menalangin ya i Samuel king Ginu para king Israel at pekibatan na ne man ning Ginu.