Exodo 12:23 - Ing Mayap a Balita Biblia

²³ Potang lumabas ya ing Ginu king mabilug a Ehipto ban pamaten na la ding tau Ehipto, akit na ing daya babo at karing mingatba nang amba ning pasbul, lagpusan ne kanita ning Anghel ning Kamatayan ing bale yu at e na paintulut ning Ginu ing mate kayu.

Exodo 12:23 Iomraidhean Croise

2 Samuel 24:16

Migbayu ya isip ing Ginu inyang malapit na na lang pamuksan a bie ning anghel ding memalen na ning Jerusalem. Ngana king anghel, Tuknang na ka. E mu na tataglus pa! Atyu kanita ing anghel king pidadaran nang Arauna a Jebuseo.

Job 14:13

Sana isalikut mu ku king tuknangan da ring mete; paburen mung makapampan ku kabang ing mua mu atyu, at itakda me ing panaun ban ganakan mu ku.

Exodo 11:4

Kanita nganang Moises king ari, Ing Ginu sasabian na, Bandang kapitangan bengi dumalan ku libutad na ning Ehipto,

Exodo 12:7

Kailangan lang kumang ditak king daya at ikaskas da karing amba at babo da ring pasbul da ring bale nung nu la mapangan deting animal.

Isaias 26:20

Kakung memalen, lungub na kayu karing kekayung pibalebale at isara ding pasbul kagulutan yu. Salikut kayu king ditak pang panaun kabang ing mua na ning Dios e pa mepawi.

Isaias 37:36

Kanita minta ya king kampu da ring tau Asiria ing metung a anghel na ning Ginu, at mekamate yang dinalan walung pulu't limang libung sundalus. Itang kabukasan a abak a maranun, inyang migising la ding memalen, ikit da lang pakapase; mete la ngan!

Ezekiel 9:4

Ngana, Munta ka king mabilug a siudad ning Jerusalem at dinan meng tatak king kanuan ing metung at metung a sasaingsing at maliligalig uli da ring sablang bage makasumami a mararapat king siudad.

Ezekiel 9:6

Paten yu la ding matuang lalaki, ding kayanakan a lalaki at babai, ding ima at ding anak. Oneng e ye tatagkilan ing ninumang ating tanda king kanuan na. Magumpisa kayu keting Templo ku. Inya megumpisa la karing makatuang manimuna a pakatalakad kilub ning Templo.

1 Corinto 10:10

E kayu kailangan magreklamu antimo ing depat da ring mapilan karela, at pete na la ning Kamatayan.

Hebreo 11:28

Ing kasalpantayanan ya namang minutus kang Moises ba neng itatag ing Pamaglagpus at iyutus karing tau king ipisik da ing daya karing pasbul ban ing Anghel ning Kamatayan e na la paten ding pangane lalaki da ring Israelita.

Hebreo 12:24

Miras kayu kang Jesus a mitatag king bayung kasunduan, at miras kayu king dayang mipisik a mangakung mas mayap a bage maygit ketang daya nang Abel.

Kapahayagan 7:3

Ngana niting anghel, E ye pa sisiran ing yatu o ing dagat o ding tanaman anggang e la mitatakan king kanuan ding talasuyu na ning kekatamung Dios.

Kapahayagan 9:4

Mipanabilin karela king e ra sisiran ing dikut o ding tanaman o ing isanu mang tanaman. Ding sukat dang panasakitan ila ding taung e mimarkan kanuan king tatak na ning Dios.