Exodo 12:22 - Ing Mayap a Balita Biblia

²² Kuma kayu namang sangang hisopo at isoso ye king daya a makadatuk king palanggana, at kaskasanan ye ing babo at ding mingatbang amba da ring kekayung pasbul bale. Ala kayung palualan ninuman king bale angga itang abak.

Exodo 12:22 Iomraidhean Croise

Ding Dalit 51:7

Wasan mu ing kasalanan ku, at luminis ku. Wasan mu ku, at maging maputi ku; maputi pa kesa king yelu.

Exodo 12:7

Kailangan lang kumang ditak king daya at ikaskas da karing amba at babo da ring pasbul da ring bale nung nu la mapangan deting animal.

Isaias 26:20

Kakung memalen, lungub na kayu karing kekayung pibalebale at isara ding pasbul kagulutan yu. Salikut kayu king ditak pang panaun kabang ing mua na ning Dios e pa mepawi.

Ding Bilang 19:18

Kaybat kuma yang tangke ning hisopo ing taung tuturing nang malinis ning kautusan, itiltil ne king danum at pisikan ne ing Tolda, ding sablang kasangkapan, ding sablang taung atyu kilub, antimu rin ing taung mekatagkil king butul o king bangke ning taung metepete re man iti o ali o ing kutkutan.

Mateo 26:30

Selisi deng kinta ing metung a kanta, at kaybat linual lang papunta king Bunduk ding Olibo.

Hebreo 11:28

Ing kasalpantayanan ya namang minutus kang Moises ba neng itatag ing Pamaglagpus at iyutus karing tau king ipisik da ing daya karing pasbul ban ing Anghel ning Kamatayan e na la paten ding pangane lalaki da ring Israelita.

Hebreo 12:24

Miras kayu kang Jesus a mitatag king bayung kasunduan, at miras kayu king dayang mipisik a mangakung mas mayap a bage maygit ketang daya nang Abel.

Hebreo 9:1

Atin yang tuntunan ing minunang kasunduan para king pamanyamba at atin ya namang pisasamban a telakad da ring tau keti king yatu.

Hebreo 9:14

lalung maygit e palak kaniti ing arapat na ning daya nang Cristo a king kapamilatan na ning Espiritung alang angga inain na ing sarili na bilang ganap a sakripisyu king Dios. Ing daya na ya ing makalinis karing pusu tamu at kaisipan ban manibat king sablang dapat a alang kabaldugan asuyuan ta ya ing Dios a mabie.

Hebreo 9:19

Muna, sinabi ne pa mung Moises ing balang metung karing tuntunan a mababanggit king Kautusan. Kaybat, kinua na ing daya da ring biserung baka at kambing a semutanan danum. Sinoso ne kaniti ing malutung lana at ing sanga na ning hisopo at pisikan ne king daya ing libru ning Kautusan ampon ding sablang tau.

Josue 2:19

Nung lumual ya ing ninuman king bale, ya na ing maki kasalanan king kamatayan na at ala keng pakibatan, nung ing ninuman kekayung atyu kilub bale panasakitan de, ikami na ing makibat.

1 Pedro 1:2

Ikayu ding pinili na ning Dios Ibpa ketang parasan na at pepabanalan na kapamilatan na ning Espiritu na ban mamintu kang Jesu-Cristo, layun luminis king upaya na ning kamatayan na. Ing grasya at kapayapan manatili sanang labis-labis kekayu.