Exodo 12:21 - Ing Mayap a Balita Biblia

²¹ Pepayaus na la ngan Moises ding sablang manimuna na ning Israel at ngana karela, Munta kayu karing kawan at mamili kayung biserung tupa o biserung kambing, at paten yu la ban apagselebran de ring pamilya yu ing Pamaglagpus.

Exodo 12:21 Iomraidhean Croise

2 Ari 23:21

Nganang minie utus Aring Josias karing memalen, Pagselebran ye ing Pamaglagpus bilang pamamie parangal king Ginung kekatamung Dios, antimo ing makasulat king libru ning kasunduan.

Ezra 6:20

Migpakalinis lang miyabe-abe ding pari at ding Levita; malinis la ngan agpang king aduan na ning Kautusan. Pete da la ring animal para king ain ning Pamaglagpus para karing sablang memalen a mibalik, karing pari, at para karing sarili ra.

Exodo 12:11

Malagua yeng kanan. Miblas kayu para king makabang lakaran, makasulud na la ding sandalyas yu at talnan ye king metung yung gamat ing tukud yu. Iti ing pamagselebra king Pamaglagpus bilang parangal kanaku, ing Ginu.

Exodo 12:3

Ipayabut yu la deting panabilin king mabilug a balen ning Israel: King kapulung aldo na niting bulan ing balang lalaki mamili yang metung a biserung tupa o biserung kambing para karing katubale na.

Exodo 17:5

Ngana ning Ginu kang Moises, Mituki kang mapilan karing manimuna na ning Israel at muna na kayu karing tau. Idala mia naman itang tukud a pemarug mu king Ilug ning Nilo.

Exodo 19:7

Inya kinuldas ya i Moises king bunduk at pepayaus na lang mitipun ding manimuna da ring tau, at sinabi na ngan karela itang yuyutus na ning Ginu.

Exodo 3:16

Puntalan mu na la at tipunan ding manimuna ning Israel at sabian mu karela king aku, ing Ginu, ing Dios ding makatua da, ing Dios nang Abraham, Isaac, at Jacob, pepakit ku keka. At sabian mu karela king ikit ku ing pamipasakit a daraptan da karela ding tau Ehipto.

Ding Bilang 11:16

Ngana ning Ginu kang Moises, Pamili mu kung pitung pulung lalaki karing makatua ning Israel a balu mung kikilalanan dang manimuna at gagalangan da ring tau. Kaybat ituki mu la karin king Toldang tuknangan ku.

1 Corinto 10:4

at minum la king batung espiritual a minantabe karela, at ing batung ita ya i Cristo.

Hebreo 11:28

Ing kasalpantayanan ya namang minutus kang Moises ba neng itatag ing Pamaglagpus at iyutus karing tau king ipisik da ing daya karing pasbul ban ing Anghel ning Kamatayan e na la paten ding pangane lalaki da ring Israelita.

Josue 5:10

Kabang makakampu la Gilgal king kapatagan ning Jerico pigselebran de ing Pamaglagpus king kabengian na ning kalabing apat na ning bulan.