Exodo 12:16 - Ing Mayap a Balita Biblia

¹⁶ Mitipun-tipun kayu king mumunang aldo at pasibayu king kapitung aldo ban samba. Alang darapat nanumang obra kareting aldo; ing makapaintulut mu kekayu ya ing pamisadia king pamangan a kailangan yu.

Exodo 12:16 Iomraidhean Croise

Exodo 16:23

Ngana karelang Moises, Inutus na ning Ginu king ing bukas aldo yang sagradu para paynawa, makatalaga ya para king Ginu. Ilutu yu na ngeni pa itang buri yung ilutu, at ipabukal yu na ngeni pa itang buri yung ipabukal. Sukat ilele at isinup para bukas ing nanumang mitagan.

Exodo 16:29

Tandanan yu king aku, ing Ginu, dininan da kayung metung a aldo magpaynawa, at ita ing sangkan nung inya king kanam a aldo dirinan da kayung pagkabie a sapat para aduang aldo. E ya sukat mamako ing ninuman king lugal a dasnan na ning kapitung aldo, at e ya mamako king bale na.

Exodo 16:5

King kanam a aldo, sukat lang tumipun aduang besis karakal kesa king pupulutan da aldo-aldo at saka ra isadia iti.

Exodo 20:10

oneng ing kapitung aldo metung yang aldo ning pamagpaynawa a makatalaga para kanaku. Ala metung man a malyaring magobra king aldong iti; e mu ikayu, nune pati na ding anak yu, ding ipus yu, ding sese yung animal o kaya ding dayuan a makipamalen kekayu.

Exodo 34:18

Pagselebran ye ing Piesta ning Tinape Alang Lebadura. Antimo ing inutus ku na kekayu, tinape alang lebadura ing kanan yu karing pitung aldo a makatuldu king bulan ning Abib, uling king bulan a ita kanita kayu meko king Ehipto.

Isaias 1:13

Tuknang na kang magdala karing ain a alang kabaldugan. Masusumami ku king bau na ning insenso a yayain mu kanaku. E ku na la apibata pa ding pamagpiesta mu king Bayung Bulan, ding pamagselebra mu king Aldo ning Sabbath, ding kekang pamitipun relihioso, uling midungisan la ngan deti karing kekang kasalanan.

Levitico 23:21

E kayu bitasang magobra king aldong ita, nune mitipun kayu ban samba. Tuparan ye iting tuntunan king kapilan pa man at nu man karin kayu manuknangan.

Levitico 23:27

Ing kapulung aldo na ning kapitung bulan aldo ne ning pamanisi at pangapatawaran ning kasalanan. E kayu bitasang mamangan nanuman king aldong ita; mitipun kayu para samba at miyain ain-a-pamangan kanaku, ing Ginu.

Levitico 23:35

Mitipun kayu ban samba king mumunang aldo da reting aldo; e kayu bitasang magobra king aldong ita.

Ding Bilang 28:18

King mumunang aldo ning piesta, mitipun kayu ban samba. E kayu magobra king aldong iti.

Ding Bilang 28:25

King kapitung aldo, mitipun kayung pasibayu ban samba. E kayu magobra king aldong iti.

Ding Bilang 28:26

King mumunang aldo na ning Piesta ning Pamamupul, potang iyain yu na ing bayung trigu king Ginu, mitipun kayu ban samba. E kayu magobra king aldong iti.

Ding Bilang 29:1

King mumunang aldo na ning kapitung bulan, mitipun kayu ban samba. E kayu magobra king aldong iti. Tiupan la ring trumpeta king aldong iti.

Ding Bilang 29:12

King kalabing limang aldo na ning kapitung bulan, mitipun kayu ban samba. E kayu magobra. Pagselebran ye iting piesta para king Ginu kilub ding pitung aldo.

Juan 19:31

Aldo ning Pamagsadia kanita. Ban e la manatili king krus ding bangke king Aldo ning Sabbath (ing Sabbath a ita pamagselebra yang e karaniwan), inawad da ring Judio kang Pilato king paklian da la puad ding mipaku king krus at ilako la karin ding bangke.

Deuteronomio 16:8

E kayu mamangan tinape ating lebadura kilub ding anam a aldo, at king kapitung aldo gawa kayung metung a taimtim a pamipulung bilang parangal king Ginung kekayung Dios. E kayu bitasang magobra king aldong ita.