Exodo 12:15 - Ing Mayap a Balita Biblia

¹⁵ Ngana ning Ginu, Kilub ding pitung aldo e kayu sukat mamangan tinape nune mu itang alang lebadura. King mumunang aldo ilako yu karing pibalebale yu ing sablang lebadura, uling ing ninumang mangan tinape ating lebadura kilub ding pitung aldo reta, mitiwalag ya king balen ning Israel.

Exodo 12:15 Iomraidhean Croise

Genesis 17:14

Nung ating lalaking e mesirkunsisyun, itiwalag ya king katipunan yu uli na ning lebagan ne ing kasunduan.

2 Cronica 30:21

Pigselebran deng masaya ing Piesta ning Tinape Alang Lebadura kilub ding pitung aldo. Aldo-aldo lang pupuri at pasalamat king Ginu ding pari at ding Levita.

Ezra 6:22

At kaybat kilub ding pitung aldo pigselebran deng mitmung tula ing Piesta ning Tinape Alang Lebadura. Tutu lang masaya uling ing Ginu gewa neng maganaka karela ing ari ning Asiria ban saupan na la king pangatalakad nang pasibayu ning Templo ning Dios, ing Dios ning Israel.

Exodo 12:8

King benging ita sukat minangnang ing laman at mapangan a kayabe ding mapait a gule at ning tinape alang lebadura.

Exodo 13:3

Nganang sinabing Moises karing tau, Tandanan ye ing aldong iti, ing aldo pamaglako yu Ehipto, ing lugal nung nukarin kayu me-ipus. Iti ya ing aldo a liwal na kayu ning Ginu king kapamilatan na ning maragul nang upaya. Alang mapangan tinape ating lebadura.

Exodo 23:15

King bulan ning Abib, ing bulan nung kapilan kayu linual Ehipto, pagselebran ye ing Piesta ning Tinape Alang Lebadura, antimo ing inutus ku na kekayu. E kayu mamangan tinape ating lebadura kilub ding pitung aldo a makatuldu para kaniting piesta. E ya mamarap king pamanyamba kanaku ing ninuman a ala yang daralang ain.

Exodo 30:33

Ninumang gawang kalupa na sangkap niti at saka na gamitan iti kenu pa mang e pari, e ne malyaring mibilang pang miembru na ning kanakung balen.

Exodo 30:38

Itiwalag ya karing memalen ku ing ninumang gawang pabanglu king anti kaniting paralan.

Exodo 31:14

Inya sukat yeng ipangiling ing Aldo ning Sabbath uling aldo yang sagradu. Paten ya ing ninumang taung labag king Aldo ning Sabbath at magobra kilub ning aldong ita.

Exodo 34:18

Pagselebran ye ing Piesta ning Tinape Alang Lebadura. Antimo ing inutus ku na kekayu, tinape alang lebadura ing kanan yu karing pitung aldo a makatuldu king bulan ning Abib, uling king bulan a ita kanita kayu meko king Ehipto.

Exodo 34:25

E kayu mamain tinape a ating lebadura neng miyayain kayung animal kanaku. E ye paburen miras mikabukasan ing isanu pa mang dake na ning animal a miyain king Piesta ning Pamaglagpus.

Levitico 17:10

Maging kalaban ke ing ninumang mangan daya at itiwalag ya king kapulungan, Israelita ya man o dayuan.

Levitico 17:14

Uling atyu ing bie ning balang lelangan king daya na, inya babawal ku ing mangan daya. Itiwalag ya ing ninumang labag kaniting tuntunan.

Malakias 2:12

Ilako ne sana ning Ginu king komunidad ning Israel ing ninumang darapat kaniti, at e na na la paintulutan makiabe kapilan man king ain a darala na ning bansa mi para king Ginung Mayupaya.

Ding Bilang 28:17

Magumpisa ya ing piesta king kalabing limang aldo ning bulan at angga yang pitung aldo; tinape alang lebadura ing malyari yu mung kanan karing aldo reta.

Ding Bilang 9:13

Nung e ne pagselebran ing Pamaglagpus ning taung malinis at e maglakbe king aliwang lugal itiwalag ya king kanakung balen, uling e ya minie ain kanaku king aldo a mitakda. Sukat nang pagdusan ing pamikasala na.

Mateo 16:12

Kanita da pa mu aintindian king aliwa ing lebadura dang gagamitan karing tinape ing papangilag na karela nune ing turu da ring Pariseo at Saduseo.

Lucas 12:1

Kabang misisiksikan la ding libu-libung tau, angga king mipapandamusak na la, migsalita ya pa mung mumuna i Jesus karing alagad na. Ngana, Pangilagan yu ing lebadura da ring Pariseo. Ngaku wari, ing pamagbanal-banalan da.

Lucas 2:43

Kaybat na ning piesta minuli la, oneng pepailakuan ya Jerusalem ing anak a i Jesus. E ra apansingan iti ding pengari na;

Ding Dapat 12:3

Inyang ikit nang iti mekaibie tula karing Judio, sindu na pa at peparakap ne i Pedro. (Iti milyari kanitang kapiestan da ring Tinape Alang Lebadura.)

Galacia 5:12

Sana malaus na lang pakapun deng manggulung den kekayu!

Deuteronomio 16:3

E kayu mamangan kayabe na tinape ating lebadura; ing tinape alang lebadura, ing tinape na ning pamagkakasakit, ya ing kanan yung kayabe na kilub ding pitung aldo, antimo ing gewa yu inyang mirarapal kayung linual Ehipto. Daptan yu iti ban e yu na kalinguan king kekaban ning bie yu ing paglako yung mirarapal king Ehipto.

Deuteronomio 16:5

E ye malyaring iyain karing sarasarili yung balen ing ain-sakripisyu para king Pamaglagpus;

Deuteronomio 16:8

E kayu mamangan tinape ating lebadura kilub ding anam a aldo, at king kapitung aldo gawa kayung metung a taimtim a pamipulung bilang parangal king Ginung kekayung Dios. E kayu bitasang magobra king aldong ita.