Exodo 12:13 - Ing Mayap a Balita Biblia

¹³ Maging palatandanan ya karing pibalebale yu ing daya karing amba da ring pasbul. Lagpusan da kayu potang akit ku ing daya, at e kayu midame potang pagpa ku ing parusa king bansang Ehipto.

Exodo 12:13 Iomraidhean Croise

Genesis 17:11

Pasirkunsisyun kayu at iti yang maging tanda na ning kasunduan ku kekayu at ning kasunduan yu kanaku.

Exodo 12:11

Malagua yeng kanan. Miblas kayu para king makabang lakaran, makasulud na la ding sandalyas yu at talnan ye king metung yung gamat ing tukud yu. Iti ing pamagselebra king Pamaglagpus bilang parangal kanaku, ing Ginu.

Exodo 12:23

Potang lumabas ya ing Ginu king mabilug a Ehipto ban pamaten na la ding tau Ehipto, akit na ing daya babo at karing mingatba nang amba ning pasbul, lagpusan ne kanita ning Anghel ning Kamatayan ing bale yu at e na paintulut ning Ginu ing mate kayu.

Exodo 12:7

Kailangan lang kumang ditak king daya at ikaskas da karing amba at babo da ring pasbul da ring bale nung nu la mapangan deting animal.

Ezekiel 9:4

Ngana, Munta ka king mabilug a siudad ning Jerusalem at dinan meng tatak king kanuan ing metung at metung a sasaingsing at maliligalig uli da ring sablang bage makasumami a mararapat king siudad.

1 Tesalonica 1:10

at manaya king pamagbalik na ibat banua ning Anak na, i Jesus, ing pepasublian nang mebie. I Jesus ya naman ing magligtas kekatamu king daratang nang milalablab nang mua ning Dios.

Hebreo 11:28

Ing kasalpantayanan ya namang minutus kang Moises ba neng itatag ing Pamaglagpus at iyutus karing tau king ipisik da ing daya karing pasbul ban ing Anghel ning Kamatayan e na la paten ding pangane lalaki da ring Israelita.

Josue 2:12

At ngeni isumpa yu king Ginung kekayung Dios ing maging maganaka kayu karing pamilya ku antimo nung makananu kung pepakit ganaka kekayu, at dinan yu kung metung a tanda king ayasahan da kayu.

Josue 2:18

Oyni ing gawan mu. Potang lungub na kami king kayarian yu, itali me ining malutung lubid king mismung awang nung nukarin mu kami pepakuldasan; tipunan mu la king pibalebale mu ding pengari mu, ding kapatad mu, at ding sablang katubale nang tata mu.

1 Juan 1:7

Nung mabibie tamu king sala, antimo nung makananung yang atyu king sala, atin tamung pamisasanmetung at ing daya nang Jesus a Anak na lilinisan na katamu king sabla tamung kasalanan.