Exodo 12:12 - Ing Mayap a Balita Biblia

¹² King benging ita, lumabas ku king mabilug a Ehipto; paten ku la ding sablang anak dang pangane lalaki ding tau at animal; pagpa ku ing parusa karing dios na ning Ehipto. Aku ing Ginu.

Exodo 12:12 Iomraidhean Croise

1 Cronica 14:12

Inyang tinakas la ding Filisteo likuan da la ring kikilalanan dang dios, at pepasilab na la ngang David deti.

Ding Dalit 135:8

Karin Ehipto sablang pangane pete na la anak a pangane ding tau at sese dang animal.

Ding Dalit 82:1

Ing Dios ya ing manimuna king kapulungan karin banua, king kapulungan da ring dios nganang minieng kayatulan:

Ding Dalit 82:6

Ngaku kekayu, Ikayu dios kayu; anak na kayu ngan ning Kakataskatasan a Ginu,

Ding Dalit 91:7

Malyaring ding libu king siping mu mate la, at ding apulung libu a makapadurut keka, oneng e ka numanu balang.

Ding Dalit 95:3

Uling ing Ginu, Dios yang mitmung kayupayan; maygit yang mayupaya kesa karing sablang dios-diosan.

Exodo 12:23

Potang lumabas ya ing Ginu king mabilug a Ehipto ban pamaten na la ding tau Ehipto, akit na ing daya babo at karing mingatba nang amba ning pasbul, lagpusan ne kanita ning Anghel ning Kamatayan ing bale yu at e na paintulut ning Ginu ing mate kayu.

Exodo 18:11

Ngeni ku akikilala king ing Ginu maula yang maygit karing sablang dios, uling depatan na iti kanitang ding tau Ehipto teratusan da lang mitmung bigsikan ding Israelita.

Exodo 21:6

ituki ne kanita ning panginuan ing ipus king lugal a pisasamban king Dios. Karas da karin tairan ne king pasbul o kaya king amba na ning pasbul, at karin ne busbusan a balugbug. Maging ipus na ne kanita kabang bie.

Exodo 22:28

E kayu magsalitang e mayap laban king Dios o panagkasan ing manimuna na ning balen yu.

Exodo 6:2

Migsalita ya ing Dios kang Moises. Ngana, Aku ing Ginu.

Exodo 9:6

Kabukasan, depatan ning Ginu itang sinabi na, at mete la ngan ding sablang animal da ring tau Ehipto, oneng alang mete metung man karing animal da ring Israelita.

Isaias 19:1

Iti ya ing mensahi tungkul king Ehipto. Mamirapal yang datang ing Ginu king Ehipto. Makasake ya king mabilis a biga. Inya galgal la arap na ding idolo da ring tau Ehipto at masira la lub ding memalen na.

Jeremias 43:12

Patau kung api karing templo da ring kikilalanan nang dios ning Ehipto, at silaban na la ning ari na ning Babilonia ding karelang kikilalanan a dios o kaya idala na la. Nung makananu nang pipipian ning pastul ing mabuluk nang imalan, makanyan neng pipian ing bansang Ehipto at mako yang matagumpe.

Jeremias 43:13

Lasakan na la ding sagradung batung monumento ning Heliepolis karin king Ehipto, at silaban na la ding templo da ring kikilalanan nang dios ning Ehipto.

Jeremias 46:25

Ing Ginung Mayupaya, ing Dios ning Israel, sasabian na, Parusan ke i Amon, ing kikilalanan nang dios ning Tebes at pati ing Ehipto at ding kikilalanan dang dios at ding ari na. Kuanan ke ing ari na ning Ehipto at ding sablang menalig keting ari.

Ezekiel 12:16

Paburen ku lang miligtas ding mapilan king gera, king danup, at king miyayaliwang sakit ban libutad ding bansa akilala ra ing makasumami dang ugali at kilalanan da king aku ing Ginu.

Amos 5:17

Mika tangisan libutad da ring sablang mulahan ubas, uling datang ku ban parusan da kayu. Ing Ginu ya ing migsalita.

Zepania 2:11

Papangilabutan na la ning Ginu. Gawan na lang alang kabaldugan ding kikilalanan dang dios na ning yatu, at samba ya ing balang bansa king Ginu king mismung sasakupan nang lugal ning balang metung karela.

Ding Bilang 33:4

Ding tau Ehipto naman kukutkut da la ring anak dang pangane a mete uli na ning kayatulan na ning Ginu karing kikilalanan dang dios.

1 Samuel 5:3

Kabukasan ning abak a maranun, ikit da ring memalen na ning Asdod king makaragsa ya at makasubsub i Dagon arapan ning Kaban ning Ginu. Telakad de at binalik king lugal na;

1 Samuel 6:5

Pakilupa yu la ding gintu karetang tumor at dagis a penibatan na ning salut yu; parangalan ye ing Dios ning Israel, pota ituknang na na ing parusa na kekayu, karing kikilalanan yung dios, at king bansa yu.