Exodo 11:8 - Ing Mayap a Balita Biblia

⁸ Nganang memupus migsalitang Moises, Lumapit la kanaku ding sabla yung opisyal at duku la king arapan ku, at pakisabian da kung mayap king ilako ku na la ding kabalen ku at mako na kami. Kaybat na nita, mako na ku. Mikakaluku ing mua nang Moises inyang likuan ne ing ari.

Exodo 11:8 Iomraidhean Croise

1 Ari 20:10

Mananu na sanang paten da ku ring dios ku nung bukas, king oras a anti kaniti, atin pang makatagan a kasakmal mu mang alikabuk ning siudad a e ra adala ding kakung sundalus. Inya mitubud kung dakal a sundalus ken ban lasakan de ing siudad mu.

2 Ari 3:9

Inya miyabe-abe lang linakad ding ari na ning Israel, ning Juda, at ning Edom. Inyang miras na ing kapitung aldo ning karelang lakad, kegisanan lang danum para karing karelang sundalus at karing animal.

Nehemias 5:6

Mibua ing mua ku inyang dimdam ku iting saingsing da ring tau,

Ding Dalit 6:1

O Ginu, king kamua mu e mu ku sa paparusan! E mu ku sana kakamuan at paniabianan.

Exodo 10:29

Nganang Moises, Ikayung bala. E yu na ku akit pang pasibayu.

Isaias 49:23

Maging anti lang tata kekayu ding ari; ding reyna lingapan da kayung anting ima yu. Duku la arapan yu at parangalan da kayu; king kababan lub ipakit da ing kagalangan kekayu. Akilala yu kanita king aku ing Ginu; ala metung mang mipakarine karetang manenayang saup kaku.

Isaias 49:26

Agkatan ku lang mipatayan la ding kekayu manggipit; lasing la king pamakamate at king mua. Kanita ding tau akilala ra king aku ing Ginu, ing magligtas at magpalaya kekayu. Akilala ra kanita king aku ing Mayupayang Dios ning Israel.

Ezekiel 3:14

Dinatang ya kanaku ing espiritu na ning Ginu a kayabe ing maragul a upaya, at kabang darala na ku ning espiritu dimdam ku ing kaplas kung lub at mua.

Daniel 3:19

Kanita mikapali ya buntuk i Nebucadenesar at melare ya lupa king mua na kari Sadrac, Mesac, at Abednego. Inya inutus na karing tauan na king ipali reng pitung besis kapali ing ornu kesa king sadia.

Ding Bilang 12:3

Tau yang tutung mapagpakumbaba i Moises; mababa yang dili lub karing tau keti king yatu.

Marcos 3:5

Miyalung mua at lungkut ing meyakit king lupa nang Jesus kabang maglalawe ya karing taung makapadurut uli na ning kesiasan dang lub. Inarapan ne ing lalaking panat metung a gamat at ngana, Iyatiat me ing kekang gamat. Inatiat na ne man ning lalaki ing gamat na at iti kinayap ya.

Deuteronomio 29:24

Ngara kanitang mangutang ding sablang tau ning yatu, Obat makanyan ing depat na ning Ginu keting lugal? Obat mimua yang e makanyan-kanyan?

Deuteronomio 32:24

magisan la king danup, mate la king mikakalukung lagnat, at karing makapangilabut a salut; karing malyap a animal kaku lang ipakan, at patuktuk karing kamandagan a ubingan.

Hebreo 11:27

Ing kasalpantayanan ya naman ing menagkat kang Moises, inya birian neng likuan ing Ehipto, alang takut king mua na ning ari; e ya mebisang magbalik Ehipto, anti neng akakit ing Dios a e mayayakit.

Kapahayagan 3:9

Pakiramdaman mu iti: palapitan ku la at pasikloran arap mu ding kampun nang Satanas, ding malaram at magpanggap Judio, ban abalu ra king kaluguran da ka.

Ukum 4:10

Inaus na lang Barak ding tribu ning Zebulun at Neftali karin Kedes, at apulu lang libu ding lalaking tinuki. Kayabe neng meko i Debora.

Ukum 8:5

Ngana karing memalen na ning Sukot inyang miras la karin, Ipakisabi kung mayap ing dinan yu lang mapilan a tinape ding tauan ku. Mapagal la at tatagalan ku la di Zeba at Zalmuna, ding aring Midianita.