Exodo 11:6 - Ing Mayap a Balita Biblia

⁶ Mika masikan a pamanangis king mabilug a Ehipto a alang kalupa manibat king milabas a panaun angga na king daratang a panaun.

Exodo 11:6 Iomraidhean Croise

Exodo 11:7

Maging ding asu e ra la kaungan ding Israelita o kaya ding sese rang animal. Kanita yu akilala king aku, ing Ginu, gagawa kung pamiyaliwa da ring tau Ehipto karing tau Israel.

Exodo 12:30

Ketang benging ita, mipagising ya ing ari, ding tauan na ampon ding sablang aliwang tau Ehipto, at mika masikan a tangisan king mabilug a Ehipto, uling alang pibalebale a e mo sa kematen anak a pangane lalaki.

Exodo 3:7

Kanita ngana ning Ginu, Ikit ku nung makananu lang mipasakitan ding memalen kung Israelita karin Ehipto; dimdam ku ing saingsing da king gamat da ring babie kasakitan karela at balu ku ing kasakitan a daralanan da.

Exodo 9:18

Bukas, king oras a anti kaniti, paratang kung masikan a uran-lipat a e na pa ikit kapilan man ning Ehipto king mabilug nang delanan a kasalesayan.

Ding Kasebian 21:13

Nung magmaklak-maklakan ka king saingsing ding kalulu, potang ika ing saingsing e ka maramdam.

Isaias 15:8

Mararamdam ing saingsing nu man karing suluk na ning Moab. Mararamdam angga karing balen na ning Eglaim at Beerelim.

Isaias 19:16

Potang datang na ing panaun a ita, maging malamarine lang anti ding babai ding memalen na ning Ehipto. Galgal la king takut potang akit de ing makatas nang gamat ning Ginung Mayupaya ba na lang parusan.

Jeremias 31:15

Ngana ning Ginu, Ing metung a siwala meramdam ya king Rama, ing siwala ning mapait a tangis. Manangis ya i Raquel uling ding anak na ala na la, at tatanggian na ing mipaligayan ya.

Ding Tagulele 3:8

Mamaus kung masikan; maniad kasaupan, oneng ing Dios e na ku pakiramdaman.

Amos 5:17

Mika tangisan libutad da ring sablang mulahan ubas, uling datang ku ban parusan da kayu. Ing Ginu ya ing migsalita.

Zepania 1:10

Potang datang ne ing aldong ita, nganang sasabi ning Ginu, makaramdam kayung manangis king Pasbul dalan ning Asan ning Jerusalem. Damdaman yu lang manangis ding taung atyu king mas bayung dake na ning siudad, at damdaman yu ing masikan a lagusgus a manibatan karing bunduk-bundukan.

Lucas 13:28

Tumangis kayu at mitigis a ipan kabud akit yung atyu la king Kayarian ning Dios di Abraham, Isaac, Jacob, at ding sablang propeta, oneng ikayu naman mitabi kayu.