Exodo 11:5 - Ing Mayap a Balita Biblia

⁵ at mate ya ing balang anak a lalaking pangane keti Ehipto manibat king pangane nang lalaki ning ari a talapagmana na ning tronu na angga king anak ning babaing ipus a gigiling trigu. Mate la naman ding pangane ra ding sablang baka.

Exodo 11:5 Iomraidhean Croise

Ding Dalit 105:36

Ding pangane rang lalaki king bansang ita pete na la, ding sablang mumunang anak king balang pamilya.

Ding Dalit 135:8

Karin Ehipto sablang pangane pete na la anak a pangane ding tau at sese dang animal.

Ding Dalit 136:10

Pete na la king Ehipto ding sablang pangane; uling ing lugud na alang angga.

Ding Dalit 78:51

Ding pangane karin Ehipto pete na la ngan, ding sablang pangane ibat king lahi nang Ham.

Exodo 12:12

King benging ita, lumabas ku king mabilug a Ehipto; paten ku la ding sablang anak dang pangane lalaki ding tau at animal; pagpa ku ing parusa karing dios na ning Ehipto. Aku ing Ginu.

Exodo 12:29

Inyang kapitangan nang bengi, pete na la ngan ning Ginu ding lalaking pangane king Ehipto, manibat king pangane talapagmana na ning ari angga na king pangane ning taung makasukul king bartolina at pati ding pangane da ring sablang animal.

Exodo 13:15

Kanitang pepakit yang kesiasan a pusu ing ari ning Ehipto at e ya mebisang palakuan na katamu, pete na la ning Ginu ding balang pangane lalaki king kayarian na ning Ehiptotau at animal. Ita ing sangkan nung inya yayain ta ya ing balang anak a pangane lalaki para king Ginu, oneng atbusan lang pasibayu ding anak a lalaking pangane.

Exodo 4:23

Sinabi ku na keka king paintulutan meng mako ing anak ku ban kanita asamban na ku, oneng e ka mebisa. Ngeni paten ke ing anak mung lalaking pangane.

Isaias 47:2

Idurut me ing gilingan! Arina kekang gilingan! Ilako me ing kekang panakap lupa! Mangamal mung imalan ilukas mu na! Ing baru mu keka neng ilislis king pamandalakit mu karing batis!

Ding Tagulele 5:13

Ding kayanakan a lalaki pinilit da lang gumiling trigu; ding anak a lalaki sayasayukut no man uling mabayat ing dutung a karelang pupusanan.

Mateo 24:41

Karing aduang babaing gigiling trigu, mayakua ya ing metung at mitagan ya ing kadua.

Hebreo 11:28

Ing kasalpantayanan ya namang minutus kang Moises ba neng itatag ing Pamaglagpus at iyutus karing tau king ipisik da ing daya karing pasbul ban ing Anghel ning Kamatayan e na la paten ding pangane lalaki da ring Israelita.

Ukum 16:21

Dikma de ring Filisteo at dinukit da la ring mata na. Dela re king Gaza at ginapus de king tanikalang tangsu at pepagobran de king gilingan trigu ning sukulan.