Exodo 11:3 - Ing Mayap a Balita Biblia

³ Birian na ning Ginu ing maging maganaka la ding tau Ehipto karing Israelita. King kamatutuanan ding tau Ehipto at ding opisyal da kikilalanan deng taung marangal i Moises.

Exodo 11:3 Iomraidhean Croise

Genesis 12:2

Gawan da kang metung a maragul a bansa at bendisyunan da ka. Maging pikabaluan ka lagyu at manatad kang bendisyun.

Genesis 39:21

Oneng e ne pepaburen ning Ginu i Jose kabang atyu ya king sukulan. Pepakit na ing lugud na kang Jose at gewa neng maganaka kang Jose ing pekapun da ring guardia king sukulan, at

2 Samuel 7:9

Kayabe mu ku nu ka man minta at ikit mu ing simbut ku la ding sabla mung kalaban. Ngeni, gawan keng lalung marangal ing lagyu mu kesa karing pikabaluan a manimuna ning yatu.

Ester 9:4

Meging pikabaluan king mabilug a kayarian king i Mordecai metung ya ngening mayupayang tau king palasyu at lalu ya pang meging mayupaya.

Ding Dalit 106:46

Ginawa yang paralan ban ding mekabihag karela lumunus la karela.

Exodo 12:35

Tiparan da ring Israelita itang inutus nang Moises karela, inya memaniawad lang alahas a gintu, pilak ampon baru karing tau Ehipto.

Exodo 12:36

At birian na naman ning Ginu ing maging maganaka la karela at binie da karela itang karelang aduan. Makanyan dang ikua ding Israelita ing pibandian da ring tau Ehipto.

Exodo 3:21

Paratangan ku la ganaka kekayu ding tau Ehipto ban kanita e ra kayu palakuan a alang bitbit a daralan.

Isaias 60:14

Datang la ding anak da ring keka menggipit, at duku ban kagalangan keka ibie ra. Samba la arapan mu detang kanitang misan keka meninsultu. Ing Siudad ning Ginu ing keka ra ipamalagyu, Zion, ing Siudad ning Dios a Banal ning Israel.

Ding Dapat 7:22

Tiru na kang Moises ing sablang kabiasnan karin Ehipto, at meging mayupaya ya king dapat na at pamagsalita.

Deuteronomio 34:10

Ala pang bitasang linto propeta king Israel a kalupa nang Moises at akapagsalita nang arap-arapan ning Ginu.

Deuteronomio 34:11

Ala metung mang propeta a mekarapat karetang dapat at bage pagmumulalan a depat ning Ginu inyang tinubud ne i Moises king ari na ning Ehipto, karing galame na, at king mabilug a kayarian ning Ehipto.

Josue 4:14

Uli na ning depat ning Ginu kanitang aldong ita binilang deng maula ding Israelita i Josue. Ginalang de king kekaban ning bie na antimo nung makananu deng ginalang i Moises.

Kapahayagan 3:9

Pakiramdaman mu iti: palapitan ku la at pasikloran arap mu ding kampun nang Satanas, ding malaram at magpanggap Judio, ban abalu ra king kaluguran da ka.