Exodo 11:10 - Ing Mayap a Balita Biblia

¹⁰ Gewa da la ngan di Moises at Aaron deting sablang bage pagmumulalan king arapan na ning ari, oneng pepasiasan ne pusu ning Ginu, at e ya mebisang palakuan na la ding Israelita king bansang sasakupan na.

Exodo 11:10 Iomraidhean Croise

Job 9:4

Ing Dios biasa yang tutu at mayupaya; alang taung makatalakad laban king Ginu.

Exodo 10:20

Oneng pepasiasan na ne naman a pusu ning Ginu ing ari, at e na la peintulutan mako ding Israelita.

Exodo 10:27

Pepasias na ne naman a pusu ning Ginu ing ari, at e na la peintulutan mako ding Israelita.

Exodo 12:1

Migsalita ya ing Ginu kang Moises at kang Aaron karin king bansang Ehipto. Ngana karela,

Exodo 3:19

Balu ku king e na kayu paintulutan mako ning ari ning Ehipto, nung e ya mangapuersa.

Exodo 4:21

Ngana ning Ginu, Moises, anti na ning magbalik na ka Ehipto, e mu la sana kakalinguan gagawan detang sablang bage pagmumulalan king arapan ning ari. Dininan da kang upayang makarapat kareti. Makanyan man, pasiasan ke lub ing ari at e na la paintulutan mako ding Israelita.

Exodo 7:3

Oneng pasiasan ke pusu ing ari at e na ka pakiramdaman agyang nu pa anti karakal ing daptan kung miyayaliwang makapagmulalang bage karin Ehipto.

Exodo 9:12

Oneng pepasiasan ne pa mu rin a pusu ning Ginu ing ari, antimo ing sinabi na kanita, at e ya mu rin mebisang makiramdam ing ari kari Moises at Aaron.

Isaias 63:17

Baket paintulutan mung mililisia kami karing kekang dalan? Baket paburen mu ing kesiasan ming buntuk at ing pamipainggulut mi keka? King uli ra detang susuyu keka magbalik ka kekami at king uli da ring taung kekang pinili a menatiling bandi mu kapilan man.

Juan 12:40

Binulag na la mata at pepasias a buntuk, ban e la manakit ding mata ra at e la makaintindi ding pamisip da, at e la mibalik a lub kaku ban pakayapan ku la.

Roma 9:18

Inya dinan neng lunus ning Dios itang buri nang dinan at pasiasan ne buntuk itang buri na.

Roma 9:22

Makanyan munaman ing malyari tamung asabi tungkul king dapat na ning Dios. Birian nang ipakilala ing milalablab nang mua at ipakilala ing upaya na. Makanyan man maragul ing kapibabatan na karetang mangaintulid king milalablab nang mua, detang makasadia nang magisan.

Deuteronomio 2:30

Oneng e na katamu peintulutan dumalan Aring Sihon king kayarian na. Pepasias ne lub ning Ginung Dios at e ya mebisa ban mika matulid tamung lusuban ya at sakupan ing gabun a sakup tamu angga ngeni.

Josue 11:20

Peintulut na karela ning Ginu ing mika sikanan lang lub lumaban maigpitan karing Israelita ban kanita lubus lang mawala at mate alang lunus, makayagpang king inutus na ning Ginu kang Moises.

1 Samuel 6:6

E yu apusan ing kesiasan dang buntuk ding tau Ehipto at ning ari da. E wari inyang parusan na nong e makanyan-kanyan pepaburen da lang meko ding Israelita?