Exodo 10:9 - Ing Mayap a Balita Biblia

⁹ Mekibat ya i Moises, Ikami ngan at pati na ding anak mi ampon ding makatua mi. Ituki mi la ding anak mi, ding kekaming tupa, kambing, at ding kekaming baka, uling kailangan kaming magpiesta ban parangalan ya ing Ginu.

Exodo 10:9 Iomraidhean Croise

Genesis 50:8

Kayabe na la namang Jose ding pamilya na, ding kapatad na, at ding aliwa pang pamilya nang tata na. Bukud mung ding karelang anak a mangalati, ding animal a sese ra, at kawan ilang melakuan king sakup ning Gosen.

Exodo 10:10

Ngana ning ari, Susumpa ku king Ginu king kapilan man e ra kayu paintulutan ituki yu la ding asawa yu at anak! Masalang masala king atin kayung balak mag-rebeldi.

Exodo 10:26

Oneng e makanyan, kailangan ing ituki mi la ding sese ming animal; alang malakuan keti metung man kareti. Ikami ding sukat mamili karing animal a gamitan mi king pamanyamba mi king Ginu kekaming Dios. E mi balu nung isanu kareting animal ing iyain mi king Ginu anggang e ke miras karin.

Exodo 12:32

Idala yu la pati na ding tupa yu, kambing, at baka. Mabating na kayu! Pakipaniawad yu na ku mung bendisyun king Dios yu.

Exodo 12:37

Miglakbe la ding Israelita ibat Rameses papunta Sucot. Anam a ralan a libu la ding lalaki subali pa karing babai at ding anak da.

Exodo 12:38

Kayabe da la namang meko ding dakal pang aliwang tau at tupa at kambing ampon baka.

Exodo 13:6

Mangan kayung tinape alang lebadura kilub ding pitung aldo, at king kapitung aldo sukat mika pamagpiesta bilang parangal king Ginu.

Exodo 3:18

Makiramdam la ding memalen ku king sabian mu karela. Kaybat na nita, ika at ding manimuna ning Israel puntalan ye ing ari ning Ehipto at sabian yu ing anti kanini: Ing Ginu, ing Dios ding Hebreo, pepakit ya kekami. Ngeni ipakisabi ming mayap king paintulutan yu kami sanang maglakbe atlung aldo king disyerto ban makaibie kaming ain-sakripisyu king Ginung kekaming Dios!

Exodo 5:1

Kaybat na nita, minta ya i Moises at i Aaron king ari ning Ehipto. Ngara, Ing Ginu, ing Dios ning Israel, pasabi na keka ing paintulutan mu lang mako ding memalen na ban malyari lang magpiesta king disyerto bilang parangal king Dios.

Exodo 5:3

Pekibat da ri Moises at Aaron, Pepakit ya kekami ing Dios ding Hebreo. Paintulutan yu ke sanang maglakbe kilub ding atlung aldo papunta king disyerto ban makaibie kaming ain-sakripisyu king Ginung kekaming Dios. Nung ali, pamaten na ke ngan king kapamilatan na ning sakit a makapanawa o kaya king kapamilatan ning gera.

Ding Kasebian 3:9

Parangalan me ing Ginu king pamiyain mu king kekang pibandian at karing mayap diling bunga na ning kekang tamnanan.

Ecclesiastes 12:1

Kayanakan, e me kakalinguan king kekang pangakayanakan ing Dios a linalang keka ban potang datang la ding aldo at banuang magdalang kaguluan e mu asabing: E ku matula king bie.

Ding Bilang 29:12

King kalabing limang aldo na ning kapitung bulan, mitipun kayu ban samba. E kayu magobra. Pagselebran ye iting piesta para king Ginu kilub ding pitung aldo.

Efeso 6:4

Ikayung pengari, e yu la dirinan dalan lumaban kekayu ding anak yu; nune sesen yu la king disiplina at aral ning Ginu.

Josue 24:15

Nung e kayu bisang sumuyu king Ginu, mamili kayu ngening aldong iti nung kaninu kayu sumuyu: karing aliwang dios a simban da ring makatua yu karin Mesopotamia o ding kikilalanan dang dios ding Amoreo ning gabun a ngeni panuknanganan yu? Oneng aku at ing pamilya ku ing Ginu ya ing kekaming suyuan.