Exodo 10:3 - Ing Mayap a Balita Biblia

³ Inya minta lang pasibayu king ari di Moises at Aaron. Ngara king ari, Ing Ginu, ing Dios ding Hebreo, sasabian na, Angga kaya kapilan ing e ka bisang pailalam king kaburian ku? Paburen mu na lang mako ding taung pinili ku ban makasamba la kanaku.

Exodo 10:3 Iomraidhean Croise

1 Ari 18:21

Lepitan na lang Elias ding memalen at ngana karela, Nu pa anti kaluat bayu kayu makagawang metung a kapasyahan? Nung ing Ginu ya ing Dios, samban ye; nung i Baal dios ya, ya ing samban yu! Oneng e la bitasang mekibat ding memalen.

1 Ari 21:29

E me apansinan nung makananu yang migpakumbaba kanaku i Ahab? Anti na ning migpakumbaba ya, e ku ibalaus ing kasiran kabang mabie ya; datang mu ing kasiran king pamilya na king panaun na ning anak nang lalaki.

2 Ari 22:19

uling sinisi ka at migpakumbaba arap ku, ginabak mu ing susulud mung imalan, at menangis inyang dimdam mung belan keng kasiran ing Jerusalem at ding memalen na. Gawan keng lugal a makatakut, lugal a gamitan da ring tau bilang metung a sumpa. Dimdam ku ing panalangin mu,

2 Cronica 33:12

Uli na ning kasakitan a delanan na, migpakumbaba ya at minaus king Ginu, ing Dios da ring makatua na.

2 Cronica 33:19

Makasulat ne man king Istoria da ring Propeta ing panalangin na at ing pekibat ning Dios. Makasulat munaman karin ing kasalanan na at ing depat nang kataksilan pati na ding pepagawa nang pisasamban karing lugal a mangatas, ding pepagawa nang larawan nang Asera at ding pepagawa nang rebultu bayu ya mibalik lub king Dios.

2 Cronica 34:27

Uling mekiramdam ka at migpakumbaba arapan ku inyang dimdam mu ing sinabi kung laban king lugal at karing manuknangan, ginabak mu ing susulud mung imalan at menangis ka. Dimdam ku ing panalangin mu.

2 Cronica 7:14

nung ding memalen a mayayaus king lagyu ku magpakumbaba la at manalangin la, at panintunan da ku, at tuknang lang darapat e mayap, kanita pakiramdaman ku la king banua, patawaran ku ing kasalanan da, at uluan ke ing bansa ra.

Job 42:6

Inya tutu kung pagmarinayan ing heganagana kung sinabi, at sisisian ku king alikabuk at abu.

Exodo 10:4

Nung e ka pa mu rin mabisa, paratang kung durun bukas king kayarian mu.

Exodo 16:28

Kanita ngana ning Ginu kang Moises, Angga pa kapilan ing e kayu mamintu karing utus ku?

Exodo 4:23

Sinabi ku na keka king paintulutan meng mako ing anak ku ban kanita asamban na ku, oneng e ka mebisa. Ngeni paten ke ing anak mung lalaking pangane.

Exodo 5:1

Kaybat na nita, minta ya i Moises at i Aaron king ari ning Ehipto. Ngara, Ing Ginu, ing Dios ning Israel, pasabi na keka ing paintulutan mu lang mako ding memalen na ban malyari lang magpiesta king disyerto bilang parangal king Dios.

Exodo 9:17

Makanyan man, masias ka pa mu rin a lub at e mo pa mu rin paintulutan mako ding taung pinili ku.

Ding Kasebian 1:22

Taung mangmang! Angga kapilan yu buri ing ala kayung beluan? Angga kapilan yu pituya-tuya ing kabiasnan? Kapilan kayu pa kaya mabiasa?

Ding Kasebian 1:24

Menatili kung mamaus kekayu, oneng e kayu bisang makiramdam. Agkatan da kayung lumapit, oneng e yu ku sikasu.

Ding Kasebian 18:12

Mapagmatas ya ing taung e pa dinalan kasakitan, oneng bayu datang ing dangal ing pamagpakumbaba pa.

Isaias 1:5

Obat e ka tutuknang lalaban king Ginu? Buri mung miragdagan pa ing parusa mo? Israel, mitmu neng sugat ing buntuk mu. Masakit ne ing pusu mu at ing kekang pamisip.

Isaias 2:11

Datang ing aldo nung kapilan miyangganan ing ketasan na ning tau at malasak ing kapalaluan na. Kanita ing Ginu ya na mung bukud mirangal.

Jeremias 13:10

E la mebisang mamintu kanaku deting taung e mayap. Masias la pa mu rin a buntuk at tune e mayap; sinamba la at sinuyung aliwang dios. Uli na niti, maging anti la kareting salol a linen a e na malyaring magamit.

Jeremias 13:18

Ngana pa kanaku ning Ginu, Sabian mu king ari at kang ima na king kuldas na la king karelang tronu, uling mebalag na la karing buntuk da ring malagung korona ra.

Jeremias 50:29

Sabian mu karing mamana ing lusuban de ing Babilonia. Itubud me ing balang metung a biasang gumamit pana at paslu. Kubkuban ye ing siudad at ala kayung paburen a makatakas. Papamayaran ye king depat na, at daptan yu itang depat na karing aliwa uling pigmaragulan na ku, ing Banal ning Israel.

Ezekiel 5:6

Oneng selangsangan na la ning Jerusalem ding kanakung kautusan at pepakit na king lalu yang e mayap kesa karing aliwang bansa; lalu yang e mapamintu kesa karing aliwang bansang kasiping na. Tinggian na la ning Jerusalem ding kanakung kautusan at e ya memintu karing kanakung tuntunan.

Daniel 5:22

Oneng ikayu a anak na, migmatas kayu naman agyang balu yu ngan iti.

Ding Bilang 14:27

Angga kapilan la magreklamu laban kanaku deting e mayap a memalen na ning Israel? Bubulung lang bubulung laban kanaku.

Roma 2:4

Pota galang payalan mung ulaga ing maragul nang ganaka, pamanupaya, at kapibabatan? E mu wari balu king maganaka ya ing Dios uling pakikuanan na lang apabalik a lub?

Hebreo 12:25

Inya mingat kayu at e kayu tatangging makiramdam king migsalita. Nung detang e mebisang makiramdam king migsalita karela e la miligtas king parusa, e kasi lalu ta nang e miligtas, nung e tamu makiramdam king magsalitang ibat karin banua!

Santiago 4:10

Magpakumbaba kayu arapan na ning Ginu, at ibangun na kayu.

1 Pedro 5:6

Inya iduku yu ing sarili yu king gamat nang mayupaya ning Dios ban king panaun a karampatan ipuk na kayung matas a matas.