Exodo 10:26 - Ing Mayap a Balita Biblia

²⁶ Oneng e makanyan, kailangan ing ituki mi la ding sese ming animal; alang malakuan keti metung man kareti. Ikami ding sukat mamili karing animal a gamitan mi king pamanyamba mi king Ginu kekaming Dios. E mi balu nung isanu kareting animal ing iyain mi king Ginu anggang e ke miras karin.

Exodo 10:26 Iomraidhean Croise

Exodo 10:25

Nganang mekibat Moises, Nung makanyan kailangan dinan yu keng animal para karing ain-sakripisyu at ain-a-durulukan ban iyampang mi king Ginung kekaming Dios.

Exodo 10:9

Mekibat ya i Moises, Ikami ngan at pati na ding anak mi ampon ding makatua mi. Ituki mi la ding anak mi, ding kekaming tupa, kambing, at ding kekaming baka, uling kailangan kaming magpiesta ban parangalan ya ing Ginu.

Exodo 12:32

Idala yu la pati na ding tupa yu, kambing, at baka. Mabating na kayu! Pakipaniawad yu na ku mung bendisyun king Dios yu.

Exodo 8:27

Kailangan ing maglakad keng atlung aldo libutad ning disyerto ban makayain kaming ain-sakripisyu king Ginung kekaming Dios, antimo nung makananu nang inutus kekami.

Ding Kasebian 3:9

Parangalan me ing Ginu king pamiyain mu king kekang pibandian at karing mayap diling bunga na ning kekang tamnanan.

Isaias 23:18

Mitalaga la king Ginu ding salaping atubu na king kapamilatan na ning komersyu na. E na la isikap deti, oneng detang susuyu king Ginu gamitan da la ring salapi ra ban saliwan ing pamangan at imalan a kailangan da.

Hosea 5:6

Darala da la ring tupa ra at baka ban ibie da bilang ain king Ginu, oneng iti mayalang kabaldugan. E re akit ing Ginu, uling likuan na na la.

Zacarias 14:20

Potang datang ne ing aldong ita agyang ding kampanilya da ring kabayu midukitan la kareting amanu: Makatalaga ya iti king Ginu. Ding kalderang pipaglutuan kilub ning Templo maging sagradu lang anti ding silyo a atyu arapan na ning altar.

2 Corinto 8:5

Minigit pa king asahan mi! Binie ra ing karelang sarili mumuna king Ginu at kaybat kekami, agpang king kaburian na ning Dios.

Hebreo 11:8

Uli na ning kasalpantayanan nang Abraham, pemintuan na itang aus na ning Dios keya. Minta ya king balen a pengaku nang ibie ning Dios keya. Likuan ne ing sarili nang balen agyamang e na balu itang pupuntalan na.