Exodo 10:23 - Ing Mayap a Balita Biblia

²³ E la mikakit man ding tau Ehipto at alang mekalual king bale ra kilub ning panaun a ita. Oneng masala king lugal da ring Israelita.

Exodo 10:23 Iomraidhean Croise

Exodo 14:20

miras ya pilatan da ring tau Ehipto ampon ding Israelita. Pepadalumdum ne ning biga ing daralanan da ring tau Ehipto, oneng minie ne mang sala karing memalen na ning Israel. Inya ding aduang grupu da ring sundalung pakasandata e ra ikuang mekapikanlapitan itang kabukas.

Exodo 7:25

Linabas ing pitung aldo kaybat neng berug ning Ginu ing danum ning ilug.

Exodo 8:18

Buri dang gamitan ding salamangkeru ing gelingan da ban palto la namang niknik, oneng mebigu la. Atyu la ding niknik nukarin mang lugal.

Exodo 8:19

Ngara ding salamangkeru king ari, Ing Dios ya ing makirapat kaniti! Oneng masias ya pa mu rin pusu ing ari, antimo ing sinabi na na ning Ginu, at e ya bisang makiramdam kari Moises at Aaron.

Exodo 8:22

Oneng milisia ya kaniti ing sakup ning Gosen nung nu la manuknangan ding taung pinili ku; e mika lango karin ban akilala mu king aku, ing Ginu, ing maki upaya king bansang iti.

Exodo 9:26

Bukud mung ing sakup ning Gosen, nung nukarin la manuknangan ding Israelita, ing e na digpanan ning uran-lipat.

Exodo 9:4

At palto kung pamiyaliwa ra ding animal da ring Israelita ampon ding karing tau Ehipto. Alang bitasang mate karing sese rang animal ding Israelita.

Isaias 42:16

Ding bulag kung memalen kaku lang tairan karing dalan a e ra pa bitasang delanan. Alilan kung sala ing karelang karalumduman, at ding lugal a e patag kaku lang patagan. Deting bage siguradu ku na lang daptan.

Amos 4:7

E ku pepauran inyang kailangan da ring kekong tanaman ing uran. Pepauran ku king metung a siudad, oneng ali ku king aliwa. Miyuranan ya ing metung a marangle, oneng melangi ya ing aliwang marangle.

Malakias 3:18

Pasibayu rang akit ding taung kanakung pinili ing pamiyaliwa na ning bage mapalyari king taung mayap ampon king taung e mayap, king taung susuyu kanaku ampon king taung e susuyu kanaku.

Colosas 1:13

Uling linigtas na katamu king upaya na ning karalumduman at linipat na katamu king kayarian na ning Anak nang pakamalan

Josue 24:7

minaus lang meniawad saup kanaku at binili ku ing dalumdum pilatan da at ding tau Ehipto. Peparatang ku ing danum at linumud ku la ding tau Ehipto. Ikit yu nung nanu ing gewa ku king Ehipto. Menuknangan kayung maluat king disyerto.

1 Pedro 2:9

Oneng ikayu metung kayung lahing mepili, pari kayung susuyu king Ari, banal kayung bansa, at memalen a pepasubali na ning Dios, at pinili nang magsalita karing makapagmulala nang dapat. Inaus na kayu ibat king karalumduman at linipat na kayu king makapagmulala nang sala.