Exodo 10:22 - Ing Mayap a Balita Biblia

²² Tinas neng Moises ing gamat na, at mika ganap a dalumdum king mabilug a Ehipto kilub ding atlung aldo.

Exodo 10:22 Iomraidhean Croise

Job 5:14

Agyamang ing aldo makaslag ya maralumdum ing darasan da, kakapkap la antimo king kabengian.

Ding Dalit 105:28

Peparala na ing dalumdum at meralumdum ya ing bansang Ehipto, oneng selangsangan da ring tau Ehipto ing keyang amanu.

Exodo 20:21

Menatili lang makatalakad king marayu ding tau at bukud mung i Moises ya ing linapit king makapal a biga nung nu ya atyu ing Dios.

Isaias 8:22

o lumawe king gabun, oneng ala lang akit nune mu kaguluan at karalumduman; makatakut a karalumduman ing maging kararasan da. Ala lang arapat ban miligtas kaniting kaguluan.

Ezekiel 32:7

Potang paten da na ka, takpan ke ing banua at patdan ku la ngan ding batuin. Salikut ya ing aldo kagulutan da ring biga at e ya sunlag ing bulan.

Ezekiel 32:8

Patdan ku la ngan ding sablang sulu na ning banua at mibili ya king karalumduman ing kekang bansa. Aku, ing Ginung Dios, ing migsalita.

Joel 2:2

Aldo yang maralumdum at malungkut, aldo yang matuling at malulam. Lumusub la ding dakal a durun anting dalumdum a kakalat babo ding bunduk. E pa mika anti kanyan, at e na mika anti pa kanian.

Joel 2:31

Ing aldo dalumdum ya, at ing bulan lare yang anting daya, bayu datang ing maragul at makapangilabut a aldo ning Ginu.

Amos 4:13

Ing Dios ya ing linalang karing bunduk at king angin. Pabalu na karing tau ing isipan na; alilan ne ing aldo king bengi. Lalakad ya angga na karing wakas ning yatu. Iti ya ing lagyu na: Ginung Dios a Mayupaya!

Amos 4:7

E ku pepauran inyang kailangan da ring kekong tanaman ing uran. Pepauran ku king metung a siudad, oneng ali ku king aliwa. Miyuranan ya ing metung a marangle, oneng melangi ya ing aliwang marangle.

Deuteronomio 4:11

Linapit kayu at mitipun karin king baidbid na ning bunduk a papalual aping milalablab a miraras king banuang matas, ing bunduk a mibalut king makapal at matuling a biga.

Deuteronomio 5:22

Ila deti ring kautusan a sinabi na kekayu ning Ginu inyang mitipun kayu karin king bunduk kabang migsalita ya king masikan a siwala libutad na ning api, ning lulam at makapal a dalumdum. Ala neng digdag at sinulat na la karing aduang tinabas a batu at kaybat binie na la kanaku.

Kapahayagan 16:10

Kanita tigtug na ning kalimang anghel ing laman na ning silyo na king tronu na ning animal a mabagsik, at meralumdum ya ing kayarian na. Kinet da la ring tau ding labi ra king uli na ning sakit,