Exodo 10:2 - Ing Mayap a Balita Biblia

² at ban akua mung asabi karing anak yu at karing apu yu nung makananu ku lang pepalto mangmang ding tau Ehipto inyang gewa ku la deting bage pagmumulalan; ban akilala yu ngan king aku ing Ginu.

Exodo 10:2 Iomraidhean Croise

2 Samuel 7:22

Karangal mo, O Ginung Dios! Ala kang kalupa; alang Dios subali mu ika, antimo ing balu mi na.

Ding Dalit 44:1

Inistoria da kekami, O Dios, ding makatua mi ing makapagmulala mung depatan kanitang karelang kapanaunan.

Ding Dalit 44:2

Ika kanu ing mitabi karing dakal a paganu ban karelang gabun kekang pabandi karing taung pinili mu; ding paganu keka lang pepagdusan, oneng ing kekang balen dininan meng kanawan.

Ding Dalit 58:11

Kanita karelang sabian, Talaga palang miyablasan lang mayap ding makatuliran, at ating Dios king yatu mamatul!

Ding Dalit 71:18

Ngening matua na ku at maputi na buak, O Dios ko, e mu ku sana lalakuan. Mantabe ka kaku kabang ipamalita ku pa karing lahing daratang ing kekang kayupayan at sikanan.

Ding Dalit 78:3

itang sablang dimdam ta na at balu a tiru ding makatua tamu.

Exodo 13:14

King daratang a panaun, potang ikutang na ning anak yung lalaki nung nanu kabaldugan iting daraptan yu, ipakibat yu, King pamangamit na king maragul nang upaya, liwal na katamu ning Ginu king Ehipto, ing lugal nung nukarin tamu meging ipus.

Exodo 14:18

Potang sambutan ku na la den, akilala da ring tau Ehipto king aku ing Ginu.

Exodo 14:4

Pasiasan ke lub at tagalan na kayu, at aku naman tanggap kung dangalan uli na ning pamagtagumpe ku king ari ampon karing sundalus na. Abalu da kanita ding tau Ehipto king aku ing Ginu. Depatan da ring Israelita itang sinabi na karela.

Exodo 7:17

Ngeni, Makamal a Ari, pasabi na ning Ginu king akilala me nung ninu ya king kapamilatan ning daptan na. Lawan yu, ibarug ke ining tukud a ini king babo ning danum ning ilug at maging daya ing danum.

Exodo 7:5

Abalu da kanita ding tau Ehipto king aku ing Ginu potang ipagpa ku neng mitmung beyatan karela ing gamat ku, at ilual ku la ding Israelita king bansa da.

Exodo 8:6

Inya tinas neng Aaron ing tukud na tulid da ring sablang lugal a ating danum, at linage la ding dakal a tugak at kitmuan de ing mabilug a Ehipto.

Isaias 38:19

Ding mabie ilang makapuri keka, antimo ing ngeni daraptan ku keka. Sasalita da ring tata karing anak da nung nu anti ing katapatan mu karela.

Ezekiel 20:26

Pepaburen ku lang dinatan da ing sarili da karing mismung ain da, at pepaburen kung ibie da lang peka-ain ding pangane rang anak a lalaki ban parusan ku la; gewa ku iti ban ipakilala ku karela king aku ing Ginu.

Ezekiel 20:28

Dela ku la king gabun a pengaku kung ibie karela. Minie lang ain karing sablang ikit dang matas a bunduk-bundukan at berding tanaman. Pepamua da ku king kapamilatan da ring ain a karelang dilukan at king kapamilatan na ning alak a dela ra bilang ain da.

Joel 1:3

Sabian yu iti karing kekong anak; ila karing anak da karela namang sabian at ila karing lahi ra sabian da naman.

Efeso 6:4

Ikayung pengari, e yu la dirinan dalan lumaban kekayu ding anak yu; nune sesen yu la king disiplina at aral ning Ginu.

Deuteronomio 4:9

Oneng mingat kayu at maging alistu kabang bie yu; pota akalinguan yu la ding bage a ikit da ring mata yu. Sabian yu la karing anak yu at karing apu yu