Exodo 10:13 - Ing Mayap a Balita Biblia

¹³ Inya tinas neng Moises ing tukud na, at peparatang na ning Ginu ing angin ibat king aslagan; pepatiupan na banda king mamala kilub ning patingapun at kabukas. Inyang abak na migdala nang durun ing angin.

Exodo 10:13 Iomraidhean Croise

Genesis 41:6

Kaybat na nita, linsut la ring pitung tinalage; payat la at meduluk uli na ning pali ning angin a ibat king aslagan.

Ding Dalit 105:34

Migsalita ne naman at durun la ding dinatang; king karakal da, e la malyaring bilangan.

Ding Dalit 148:8

ikong kildap at uran-lipat, yelu at biga, at masikan a angin a mamintu king utus na.

Ding Dalit 78:26

Pepatiup ne ing angin ning aslagan, at ing angin ning mauli king uli ning upaya na.

Ding Dalit 78:46

Sepakan nang ulad ing tenam da, at pengan da ring durun itang mitagan a mikabunga.

Exodo 14:21

Inatiat neng Moises ing gamat na babo na ning dagat, at sepulan ne ning Ginu ing dagat king kapamilatan na ning masikan a angin ibat aslagan. Kabukas yang e pepatugut tutiup iting angin at mika malanging gabun king dagat.

Ding Kasebian 30:27

ding durun: ala lang ari, oneng makaayus la neng susulapo la.

Jonas 1:4

Oneng peparala yang masikan a angin ing Ginu king dagat at mika bagyu. Milalu ya kasikan ing bagyu at halus malasak ya ing barku.

Jonas 4:8

At inyang sinlag ne ing aldo, ing Dios peparala yang mapaling angin a ibat king aslagan, at maibug yang malyu i Jonas king pali na ning aldo a dapga king buntuk na. Inya buri na ing mate ne sana. Nganang sinabi, Mas mayap ing mete ku kesa king mabie ku.

Mateo 8:27

Mengapamulala la ngan at ngarang sinabi, Nanu yang klasing tau iti? Pati angin at alun mamintu keya!