Exodo 1:8 - Ing Mayap a Balita Biblia

⁸ Linabas ing panaun at ing Ehipto mika bayu yang ari a ala nang bitasang balu tungkul kang Jose.

Exodo 1:8 Iomraidhean Croise

Ding Dalit 105:25

Deti namang tau Ehipto peparatangan na la kasbu laban king balen na, at karela pepalinlang ding talasuyu na.

Exodo 3:16

Puntalan mu na la at tipunan ding manimuna ning Israel at sabian mu karela king aku, ing Ginu, ing Dios ding makatua da, ing Dios nang Abraham, Isaac, at Jacob, pepakit ku keka. At sabian mu karela king ikit ku ing pamipasakit a daraptan da karela ding tau Ehipto.

Exodo 3:7

Kanita ngana ning Ginu, Ikit ku nung makananu lang mipasakitan ding memalen kung Israelita karin Ehipto; dimdam ku ing saingsing da king gamat da ring babie kasakitan karela at balu ku ing kasakitan a daralanan da.

Exodo 3:9

Dimdam ku ing saingsing da ring memalen ku at ikit ku nung makananu da lang alipitan ding tau Ehipto.

Ecclesiastes 9:15

Oneng ating taung pakalulu a manuknangan karin; biasa ya. King kapamilatan na ning kabiasnan na malyari neng iligtas iting siudad, oneng ala metung man a mekaganaka kaniting biasang tau.

Ding Dapat 7:18

Bandang tauli ing metung a ari a e makakilala kang Jose ya ing mig-ari king Ehipto.

Ding Dapat 7:19

Lininlang ne ing kekatamung lahi at meging mabagsik ya karing kekatamung makatua; sapilitan na lang pepayugse lual bale ding bingut dang bayung bait ba lang mate.

Deuteronomio 26:6

E mayap ing meging tratu da kekami ding tau Ehipto; pepasakitan da kami at gewang ipus.

Ukum 2:10

Inyang mete na la ding sabla ketang lahing ita, e na ne balu ning tinuking lahi ing Ginu at ing sablang dapat a gewa na para king Israel.