Exodo 1:7 - Ing Mayap a Balita Biblia

⁷ Oneng menganak la ding Israelita a lahi da at merakal na lang merakal; mabilis lang merakal at tutung masikan angga king milaganapan ya karela ing Ehipto.

Exodo 1:7 Iomraidhean Croise

Genesis 1:20

Kanita ngana ning Dios, Lunto la karing danuman ding dakal a mabie lelangan at sulapo la ding ayup lalam na ning banua. At ita ing milyari.

Genesis 1:28

Bendisyunan na la ning Dios at ngana, Magpakarakal kayu at katmuan ye ing yatu at sakupan ye. Ikayung mamahala karing asan king dagat, karing ayup, at karing heganaganang bage melalang a gagapang king yatu.

Genesis 12:2

Gawan da kang metung a maragul a bansa at bendisyunan da ka. Maging pikabaluan ka lagyu at manatad kang bendisyun.

Genesis 13:16

Parakalan ku lang anti ing alikabuk na ning yatu ding kekang lahi; nung sakaling abilang da ing alikabuk ning yatu, kanita abilang da la naman ding lahi mu.

Genesis 15:5

Tiki ne i Abram lual na ning tolda at ngana, Talanga ka at lumawe king banua at bilangan mu la ding batuin, nung arapat mu. Makanyan la karakal ding maging lahi mu.

Genesis 17:16

Bendisyunan ke at dinan da kang anak a lalaki king kapamilatan na. Bendisyunan kia naman. Maging ima re ding bansa at ating maging ari karing maging apu na.

Genesis 22:17

pangaku kung bendisyunan da kang e makanyan-kanyan at parakalan ku la ding lahi mu. Maging kasing dakal da la ring batuin na ning banua at balas king pampang ning dagat. Sakupan da la ring siudad da ring karelang kalaban.

Genesis 26:22

Likuan ne ing lugal a ita at kinulkul yang aliwang talaga. E ra ne pekipaten tungkul kaniti. Pemalagyuan neng Rehobot. Nganang migsalita, Ngeni dininan na kaming malualas a gabun ning Ginu at mupul keng dakal keti.

Genesis 26:4

Parakalan ku la ding lahi mu; maging kasing dakal da la ding batuin king banua at ibie ku ngan karela ing gabun a iti. Aduan da ring bansa ing bendisyunan ku la nung makananu ku lang binendisyunan ding lahi mu.

Genesis 28:14

Maging kasing dakal da la ning alikabuk ning yatu ding lahi mu at kalatanan de ing albugan, ing aslagan, ing norti, at ing mauli. Atagpuan da ring sablang bansa keti king yatu ing bendisyun keka at karing lahi mu.

Genesis 35:11

Ngana pa ning Dios, Aku ing Dios a Mayupaya. Parakalan mu la ding anak mu. E ya mu metung a bansa nune dakal la ding bansang bilugan da ring lahi mu. Maging ari la ding aliwa karela.

Genesis 46:3

Ngana ning Dios, Aku ing Dios, ing Dios nang tata mu. E ka tatakut munta Ehipto uling karin da ka gawan metung a maragul a bansa.

Genesis 47:27

Makanyan lang menuknangan Ehipto ding Israelita, king sakup ning Gosen. Karin la mika pibandian at merakal la ding anak da.

Genesis 48:16

Bendisyunan no sana ning anghel a mikabus kanaku king heganaganang e mayap ding anak a reti; karela ya sana manatili ing lagyu ku antimu rin ing lagyu ra di Abraham at Isaac a kanakung pipumpunan, dakal la sana ding ayanak da keti king yatu.

Genesis 48:4

Ngana kanaku: Parakalan ku la ding anak mu at gawan da kang pipumpunan da ring dakal a lahi. Ibie ke ing gabun a iti karing maging lahi mu bilang pibandian dang alang angga.

Genesis 9:1

Binendisyunan ne ning Dios i Noe at ding anak na. Ngana karela, Magpakarakal kayu at katmuan ye ing yatu.

Nehemias 9:23

Peparakal mu la ding anak da, kasing dakal da la ring batuin ning banua, at dela mu la king gabun a pengaku mung ibie karing makatua da ban maging bandi ra.

Ding Dalit 105:24

Peparakalan ne ning Dios ing balen na, at pepasiknangan maygit karing karelang kalaban.

Ding Dalit 107:38

Binendisyunan na la at peparakalan a bilang; merakal pati ding sese dang animal.

Exodo 1:12

Oneng kabang pasakitan da la ring Israelita kanita la lalung merakal at mikalat. Makanyan lang mitakutan ding tau Ehipto karing Israelita.

Exodo 12:37

Miglakbe la ding Israelita ibat Rameses papunta Sucot. Anam a ralan a libu la ding lalaki subali pa karing babai at ding anak da.

Exodo 5:5

Ngening mas dakal kayu kesa kekaming tau Ehipto buri yung tuknang kayung magobra?

Ezekiel 16:7

Peparagul da kang anti ing metung a malabung a tanaman. Meragul ka at mesikan ampon mitas at meging metung kang dalaga. Masanting ya ubug ing salu mu at makaba ka buak, oneng lubas ka.

Ding Dapat 13:17

Pinili na la ning Dios da reting Israelita ding kekaming makatua, at gewa na lang marangal a bansa ding kekaming kalahi kanitang atyu la pa antimong dayuan karin Ehipto. Linual na la ning Dios karin Ehipto king kapamilatan na ning maragul nang upaya,

Deuteronomio 10:22

Pitung pulu la mu ding makatua yu inyang minta la king Ehipto. Oneng ngeni, uli na ning Ginung kekayung Dios, meging kasing dakal yu la ding batuin king banua.

Deuteronomio 26:5

Kaybat na nita, sabian yu arapan na ning Ginung kekayung Dios: Metung yang Arameo i tata ku a alang tuknangan. Malati ya mu ing pamilya na inyang minta ya Ehipto, at karin ya menuknangan. Oneng dinatang ing panaun a meging marakal ya, maragul, at mayupayang bansa.