Exodo 1:17 - Ing Mayap a Balita Biblia

¹⁷ Oneng ding ilut, uli na ning takut da king Dios, e ra pemintuan ing utus na ning ari. E da la pete ding anak a lalaking mibait.

Exodo 1:17 Iomraidhean Croise

Genesis 20:11

Mekibat ya i Abraham, Mitakutan ku. Bala ku alang makitakut king Dios keti at paten da ku uli na ning asawa ku.

Genesis 42:18

Karas ning katlung aldo nganang Jose karela, Tau kung atin takut king Dios, oyni ing kekayung gawan ban e ra kayu papate.

2 Samuel 24:4

Oneng ing buri ning ari ya ing mepalyari, inya memintu ya at ding kalupa nang opisyal ban bilangan la ding memalen na ning Israel.

Nehemias 5:15

Meging pabayat la karing tau ding mengalabasan a gobernador; migmolestia lang pamangan at alak karing tau subali pa karing apat apulung pirasung pilak a aduan da. Kayabe la pati ding abe ra bale king pamanabusu karing tau. Oneng aku makayaliwa ku ugali karela uling tatakut ku king Dios.

Ester 3:3

Ngarang kinutang kang Mordecai ding opisyal ning ari, Baket sasalangsangan mu ing utus na ning ari?

Ding Dalit 31:19

O Ginu, ing kayapan mu alang kalupa, makasadia para karetang ating takut keka! Balu ding sabla ing kekang ganaka a kekang babie karetang manalig keka.

Exodo 1:18

Inya pepayaus na la ning ari ning Ehipto at ngana karela, Obat makanyan ing depat yu? Obat pepaburen yu lang mebie ding anak a lalaki?

Exodo 1:21

Uling atin lang takut ding ilut king Dios, binendisyunan na la ning Dios at dininan sarasariling pamilya.

Ding Kasebian 16:6

Maging tapat ka at matupad at patawaran na ning Dios ing kekang kasalanan. Milaut ka king kasiran, nung ing Ginu ya ing kekang galangan at pitakutan.

Ding Kasebian 8:13

Ing takut king Ginu ya ing pikasaman ing e ustu; kakung kasaman ing ketasan at ing kapalaluan, ing ugaling e mayap at kalaraman.

Ecclesiastes 12:13

King kataya mung amanu, oyni ing asabi ku: Pitakutan me ing Dios at pamintuan la ding utus na, uling iti ing katungkulan na ning balang tau.

Ecclesiastes 8:12

Mabibie ya pa mu rin ing taung makasalanan agyang pang dapat yang dinalan a e mayap. Sasabian da ring dakal a tau, Basta mamintu ka king Dios e ka numanu balang.

Daniel 6:13

Kanita ngara king ari, I Daniel, ing metung karing taung bihag ibat Juda, e na kayu gagalangan ni pamintuan ing kautusan a pepalual yu. Manalangin yang atlung besis patingapun.

Hosea 5:11

Gigipitan de ing Israel. Palakuan de king gabun a bandi na, uling pinilit na ing maniawad yang saup karetang e makaibie saup.

Mikeas 6:16

Iti mapalyari uling pekiapusan yu ing e mayap nang ugali ning Aring Omri at ing anak nang i Aring Ahab. Uling menatili kayung tutuki karing palakad da, inya ibagsak da kayu at muli kayung pikakasaman da ring sabla. Insultuan da kayu ding tau nukarin man.

Mateo 10:28

E yu la pitatakutan ding makapate king katawan, oneng ali ra ne man ing kaladua; nune ing sukat yung pitakutan ya ing Dios a makapamarusa king kaladua at katawan king impierno.

Lucas 12:5

Sabian ku kekayu nung ninu ing sukat yung pitakutan: tumakut kayu king Dios a kaybat nang mekamate atin ya pang upayang mugse king impierno. Wa, sasabian ku, tumakut kayu king Dios!

Ding Dapat 5:29

Nganang mekibat Pedro at ding aliwang apostol, Kailangan ing pamintuan mi ya ing Dios at aliwa ding tau.

1 Samuel 22:17

Nganang minie utus ning ari karing guardia na, Paten yu la ding pari na ning Ginu uling kasabuat na lang David. Balu rang tinakas ya i David oneng e ra pepabalu iti kanaku. Oneng mikakunu la ding guardia a buatananan da lang gamat ding pari na ning Ginu.