Exodo 1:12 - Ing Mayap a Balita Biblia

¹² Oneng kabang pasakitan da la ring Israelita kanita la lalung merakal at mikalat. Makanyan lang mitakutan ding tau Ehipto karing Israelita.

Exodo 1:12 Iomraidhean Croise

Genesis 46:3

Ngana ning Dios, Aku ing Dios, ing Dios nang tata mu. E ka tatakut munta Ehipto uling karin da ka gawan metung a maragul a bansa.

Nehemias 9:23

Peparakal mu la ding anak da, kasing dakal da la ring batuin ning banua, at dela mu la king gabun a pengaku mung ibie karing makatua da ban maging bandi ra.

Job 5:2

Makamate ing kabalisan king mangmang, at ing kapangaririan king taung pangkaraniwan.

Ding Dalit 105:24

Peparakalan ne ning Dios ing balen na, at pepasiknangan maygit karing karelang kalaban.

Ding Dalit 107:38

Binendisyunan na la at peparakalan a bilang; merakal pati ding sese dang animal.

Exodo 1:20

Metula ya ing Dios karing ilut at lalu lang merakal ampon mesikan ding Israelita.

Exodo 1:7

Oneng menganak la ding Israelita a lahi da at merakal na lang merakal; mabilis lang merakal at tutung masikan angga king milaganapan ya karela ing Ehipto.

Exodo 1:9

Nganang sinabi karing sasakupan na, Lawan yu, mas dakal la at masikan kesa kekatamu deting Israelita.

Ding Kasebian 21:30

Alang kabaldugan ing kabiasnan o beluan at ing ating aintindian, nung ing Ginu ya ing kekang pakilabanan.

Ding Kasebian 27:4

Ing mua mabagsik at ing sama makamate, oneng ing pamagselus ala yang kalupa.

Ding Bilang 22:3

Mitakutan ya at ding kabalen na karing Israelita.

Juan 12:19

Inya ngara ding Pariseo king metung at metung, Lawan yu, ala tamung akarapat! Tutukian de ring sablang tau!

Roma 8:28

Balu tamu king karing sablang bage darapat ya ing Dios para king ikakayap da ring malugud keya, ding inaus na at pinili agpang king parasan na.

Deuteronomio 26:5

Kaybat na nita, sabian yu arapan na ning Ginung kekayung Dios: Metung yang Arameo i tata ku a alang tuknangan. Malati ya mu ing pamilya na inyang minta ya Ehipto, at karin ya menuknangan. Oneng dinatang ing panaun a meging marakal ya, maragul, at mayupayang bansa.