Exodo 1:11 - Ing Mayap a Balita Biblia

¹¹ Inya mibili lang kapatas karing Israelita ban pasakitan da la king kapamilatan na ning mabayat a obra. Makanyan lang mengapuersa ding Israelita king pamitalakad karing siudad ning Pitom at Rameses a pipagponduan nang kabiayan at kagamitan ning ari.

Exodo 1:11 Iomraidhean Croise

Genesis 15:13

Ngana ning Ginu kang Abram, Tandanan mung masalese iti. Manuknangan la ding maging lahi mu king metung a bansang e karela. Gawan da lang ipus karin at pasakitan king bigsikan kilub ding apat a ralan a banua.

Genesis 47:11

King utus na ning ari tiknang neng Jose i tata na at ding kapatad na king pekamasanting a gabun ning bansa ning Ehipto, king siudad ning Rameses.

1 Ari 9:19

ding siudad nung nukarin makasinup ing pagkabiayan, ding siudad para karing kabayu na ampon karwahe, at ing sablang buri nang ipagawa king Jerusalem, king Lebanon, at nu mang lugal ning kayarian na.

2 Cronica 16:4

Mebisa yang makikampi i Benhadad kang Asa, inya tiburan na la ding opisyal na at ding sundalus ban lusuban da la ring siudad ning Israel. Abihag de ing Ihon, Dan, Abel Bet Maaca, at ding sablang siudad ning Neftali nung nu makatambak ing sablang kailangan a pamangan at kagamitan.

2 Cronica 8:4

at pepalarin ne ing Palmyra a atyu king disyerto, at ding sablang siudad ning Hamat a pipagponduan king nanumang kailangan.

Ding Dalit 105:13

Karing miyayaliwang bansa at kayarian la miglipat-lipat.

Ding Dalit 129:1

Sabian mu, Israel, nung makananu da kang linupig ding kapate mu ibat na inyang anak ka.

Ding Dalit 129:2

Manibat inyang anak ku pa mu ding kapate ku gilu da na ku at pepasakitan; oneng kapilan man e ra ku deigan.

Ding Dalit 68:13

patipati lang makabalut pilak ding karelang pakpak; ding karelang bagyus kikinang king mapinu rang gintu. (Obat ding mapilan kekayu atyu la karing kural da ring tupa kabang makilaban la?)

Ding Dalit 81:6

Aku ing milako king pupusanan mung mabayat; kildas ku la ding laryu a kekang pupusanan.

Exodo 1:14

At alang lunus da lang pepagawan laryu at binie da karela ing sablang mabayat a obra king marangle.

Exodo 2:11

Inyang meragul ne i Moises linual ya ban dalawan na la ding kabalen na, at ikit na nung makananu lang mengapuersa ding Israelita king obrang mangabayat. Ikit nia naman nung makananu neng pete ning tau Ehipto ing metung a Hebreo.

Exodo 3:7

Kanita ngana ning Ginu, Ikit ku nung makananu lang mipasakitan ding memalen kung Israelita karin Ehipto; dimdam ku ing saingsing da king gamat da ring babie kasakitan karela at balu ku ing kasakitan a daralanan da.

Exodo 5:10

Inya ding tau Ehipto a manibala karing ipus ampon ding Israelita a peka kapatas da linual la at ngara karela, Pasabi na ning ari king e ra na kayu dinan pang are.

Exodo 5:15

Inya minta la ding kapatas a Israelita king ari ban magreklamu. Ngara, Obat pasakitan yu kaming makanyan-kanyan?

Exodo 5:8

Oneng e yu la babawasan a bilang ding laryu a sukat dang ayari. Matamad la mu inya e ra ku patugutan pakisabian ban paintulutan ku lang mako at miyain ain-sakripisyu king Dios da!

Ding Kasebian 27:4

Ing mua mabagsik at ing sama makamate, oneng ing pamagselus ala yang kalupa.

Ding Bilang 20:15

Minta la Ehipto ding makatua mi at karin la menuknangan kilub ding makabang panaun. Oneng ding tau Ehipto pepasakitan da la ampon ikami.

Deuteronomio 26:6

E mayap ing meging tratu da kekami ding tau Ehipto; pepasakitan da kami at gewang ipus.