Ester 9:2 - Ing Mayap a Balita Biblia

² King aldong ita, mitipun la ding Judio ning balang siudad na ning kayarian ning Aring Asueru nung nu la manuknangan ban paten ing ninumang bisang makamate karela. Oneng alang mengangas a lumusub karela uling tatakut la karela ding dakal.

Ester 9:2 Iomraidhean Croise

Genesis 35:5

Inyang lalakuan da ne ing lugal a ita, pepagpa na ning Dios ing maragul a takut karing memalen da ring siudad a makalapit karin. Inya e re tegal i Jacob at ing pamilya na.

Ester 8:11

King kapamilatan da reting sulat, paintulutan na la ning ari ding Judio king balang lugal ing mitipun la ban idipensa ing sarili da at ing pamilya da laban king ninumang lumusub karela. Malyari lang lumaban at makamate karing mangangas a makamate karela o maniamsam king pibandian da.

Ester 8:17

Nu mang lugal a mipabalu ya ing utus ning ari, mika tula at pamagpiesta karing Judio. At dakal la karing tau ding meging Judio uli na ning mitatakutan na la ngeni karela.

Ester 9:10

Ila deti ring apulung anak nang Haman a anak nang Hamedata, ing kalaban da ring Judio. Oneng e ra teginan ding Judio ing pibandian da ring kalaban da.

Ding Dalit 71:13

Mananu na sanang kaku sasalake masambut la at mate; detang magnasang panasakitan da ku milako la sana dangalan at mangapakarine.

Ding Dalit 71:24

At king kekaban ning patingapun ining kakung dila ing katuliran mu ipamalita na: uling mengapakarine la at milako dangalan detang bisang aku ing karelang panasakitan.

Exodo 23:27

Papagalgalan ku la ring taung lumaban kekayu, at mabalisa la ring sablang balen king paniatang yu; paurungan ku la at papulayan ding kalaban yu.

Isaias 8:9

Ikayung sablang bansa, pakiramdaman yu sa iti king mitmung takut! Makiramdam kayu, ikayung marayu nang lugal ning yatu. Magsadia kayu king pamakilaban, oneng mitakutan kayu sa! Wa, magsadia kayu, oneng tumakut kayu!

Deuteronomio 2:30

Oneng e na katamu peintulutan dumalan Aring Sihon king kayarian na. Pepasias ne lub ning Ginung Dios at e ya mebisa ban mika matulid tamung lusuban ya at sakupan ing gabun a sakup tamu angga ngeni.

Josue 11:20

Peintulut na karela ning Ginu ing mika sikanan lang lub lumaban maigpitan karing Israelita ban kanita lubus lang mawala at mate alang lunus, makayagpang king inutus na ning Ginu kang Moises.

Josue 2:9

at ngana karela, Balu ku king binie ne kekayu ning Ginu iting kayarian. Tatakut la kekayu ding sabla keti king kayarian.