Ester 9:1 - Ing Mayap a Balita Biblia

¹ Miras ing kalabing atlung aldo na ning bulan ning Adar, ing aldo nung kapilan ya mipatupad ing utus ning ari ban paten la ding heganaganang kalaban dang Judio. Oneng e ra balu king kabaligtaran ing milyari, uling ding Judio ila ding makamate.

Ester 9:1 Iomraidhean Croise

2 Samuel 22:41

Kakung kalaban pepaurungan mo ngan; masama kaku, kaku la ngang gisan.

Ester 3:13

King kapamilatan da ring talapanatad sulat, miras la ding sulat karing sukat mirinan ban king metung mung aldo, ing kalabing atlung aldo ning kalabing aduang bulan, ing bulan ning Adar, paten la ngan ding sablang Judiokayanakan at makatua, babai at anak at kuanan ing sablang pibandian da. Ala lang tatagan metung man; kailangan ing gisanan la ngang paten.

Ester 3:7

King mumunang bulan, ing bulan ning Nisan, ning kalabing aduang banua nang pamag-aring Asueru, minutus ya i Haman a mika aldo-aldong bagutan a ausan dang Pur ban abalu ne ing aldo at bulan a gampanan ya ing tingka nang e ustu laban karing Judio. Ing linual ya ing kalabing atlung aldo ning Adar, ing kalabing aduang bulan.

Ester 8:12

Daptan da iti king mabilug nang kayarian Aring Asueru, king kalabing atlung aldo ning Adar, ing kalabing aduang bulan.

Ester 8:6

E ku malyaring apibata ing akit ku ing kamatayan da ring kalahi ku at kamaganak.

Ester 9:17

Milyari iti king kalabing atlung aldo na ning bulan ning Adar. Ala nang pamakamate itang kalabing apat a aldo, inya masaya lang migpiesta.

Ding Dalit 18:40

Kakung kalaban pepaurungan mo ngan; masama kaku, kaku la ngang gisan.

Ding Dalit 30:11

Inalilan mung pamanerak ing kakung kalungkutan; leko mu ing paldas kung imalan, king tula karin mu ku belabalan.

Ding Dapat 12:11

Kanita na apibulebule Pedro ing milyari keya at ngana, Ngeni ku asisiguradu king iti tutu pin! Tinubud ne ning Ginu ing anghel na, at linigtas na ku king gamat nang Herodes at king sablang bage tatangka rang daptan ding memalen Judio.

Deuteronomio 32:36

Iligtas na la ning Ginu ding taung pinili na; karetang susuyu malunus ya potang mewala na ing sikanan da, at karela ala nang makatagan, malaya o ipus man.

Kapahayagan 11:18

Mimua la ding taung e kikilala king Dios, oneng dinatang na ing oras ning mua mu at ing pamanukum karing mete at ing pamamie ablas karing talasuyu mung propeta, karing sablang ating takut keka, marangal o kalulu man. Panaun na ban gisanan lang paten ding babie kasiran king yatu!