Ester 8:9 - Ing Mayap a Balita Biblia

⁹ Milyari iti kanitang kaduang pulu't atlu nang aldo ning katlung bulan ning Sivan. Inaus na lang Mordecai ding talasulat ning ari at dinikta ne ing metung a sulat para karing gobernador at talapangasiwa karing dinalan aduang pulu't pitung probinsia, magumpisa king India angga king Etiopia. Sinulat da la karing salita da reting probinsia.

Ester 8:9 Iomraidhean Croise

2 Ari 18:26

Ngarang mekibat di Eliakim, Sebna, at Joa, Nung malyari sana, magsalita kayu kekami king salitang Aramaico uling aintindian mi. E yu kami sana pakipagsalitan king salitang Hebreo king daramdaman da ring kabalen ming atyu karing pader.

2 Cronica 15:10

Mitipun la king Jerusalem kanitang katlung bulan na ning kalabing limang banua na ning pamag-ari nang Asa.

Ester 1:1

Ing sasakupan nang lugal Aring Asueru ning Persia inyang kapanaunan na magumpisa ya king India at angga ya king Etiopia. Bibilugan de ring dinalan aduang pulu't pitung probinsia.

Ester 1:22

Inya peparala yang sulat karing sablang probinsiang sakup na agpang king karelang sariling pamanyulat at salita ban ing asawang lalaki ya ing malyari buri king pamilya na at kautusan la ding amanu na.

Ester 10:1

Sapilitan na lang pepamayaran buis ning Aring Asueru ding taung sakup na at pati na ding atyu karing mangarayung pulu.

Daniel 4:1

Pepalual neng Aring Nebucadenesar ing mensahi para karing memalen da ring bansa, lahi, at salita ning yatu. Ngana: Kukomustan da kayu ngan!

Daniel 6:1

Inari na king lub nang Dario king tuldu yang dinalan aduang pulu katau ban manungkulan bilang gobernador king mabilug nang kayarian.

Daniel 6:25

Kanita silatanan na la ngan ning Aring Dario ding memalen da ring bansa, lahi, at salita ning yatu. Ngana: Kukomustan da kayu ngan!