Ester 8:5 - Ing Mayap a Balita Biblia

⁵ Nung burian na ning ari at nung makaligaya ku kekayu, at nung king panlalawe na ning ari king iti matulid, ipakisabi kung mayap king gawa kayung metung a kautusan ban pawalan yang bisa ing kautusan a pepasari nang Haman, ing Agageo at anak nang Hamedata, ban paten la ding Judiong manuknangan karing probinsiang sakup yu.

Ester 8:5 Iomraidhean Croise

Ester 2:17

Mas kaluguran ne ning ari i Ester kesa karing aliwang babai, at tune yang menabu lub keya. Inya kang Ester ne pinutung ing korona at ya ing meging reynang kayalili nang Vasti.

Ester 2:4

Itang aburi yu kareting dalaga ya ing pilinan yung kapalit nang Reyna Vasti. Metula ya ing ari kaniting munikala, inya mebisa ya.

Ester 3:1

Kalabas da reting bage milyari, tinas ne katungkulan Aring Asueru i Haman a Agageo at anak nang Hamedata. Ya ing gewa nang matas a pamuntuk da ring ministru na.

Ester 5:8

Nung tune ping apapaligaya da kayu at tula yu ing ibie ing nanumang aduan ku kekayu, nung burian yu, agkatan da kayung pasibayu bukas, ikayu at i Haman ban mangan. Kanita ku na sabian kekayu ing buri ku.

Ester 7:3

Nganang mekibat Reyna Ester, Nung tune ping apapaligaya da kayu at nung burian yu, o Kagalang-galang a Ari, e yu sa paintulut ing paten da ku at ding kanakung kalahi.

Exodo 33:13

Nung tutu pin king matutula kayu kanaku, sabian yu kanaku ing babalakan yu ban asuyuan da kayu at asundu ra kayung pamatulan. Ganakan yu naman king iting bansa ya ing pinili yung maging sarili yung bandi.

Exodo 33:16

Makananu na mong abalu ning ninuman king tutula kayu pin karing memalen yu ampon kanaku, nung e kayu mantabe kekami? Ing pamanantabe yu kekami karin mayakit king makayaliwa kami pin karing sablang bansa keti king yatu.

1 Samuel 20:29

Pekisabi nang mayap kanaku ing tulutan keng muli uling balang banua miyayain yang ain-sakripisyu king balen ing pamilya na. Pepaulian ne ning kapatad na. Yan ing sangkan nung inya e ta ya kasulu.