Ester 8:3 - Ing Mayap a Balita Biblia

³ Pasibayu yang linapit i Ester kang Aring Asueru; migsakab ya arapan na at tutulu luang mekisabing mayap king ari king gawa ya sanang paralan ban e mibalaus ing tingka nang Haman a Agagite a pamaten la ngan ding Judio.

Ester 8:3 Iomraidhean Croise

2 Ari 4:27

Oneng inyang miras ne kang Eliseo, dinuku ya at kinaul ne bitis. Linapit ya i Gehazi ban pigilan ne ing babai, oneng nganang propeta Eliseo, Paburen me. E mu wari apapansin king mabayat ing panamdaman na? At ala ya pang sinabi kanaku ing Ginu tungkul kaniti.

Ester 3:1

Kalabas da reting bage milyari, tinas ne katungkulan Aring Asueru i Haman a Agageo at anak nang Hamedata. Ya ing gewa nang matas a pamuntuk da ring ministru na.

Ester 7:4

Pisali da ku at ding kabalen ku ban paten at lubusan gisanan a lahi. E na ku sana bubulad nung pisali da kami mu ban gawan ipus at e ra na kayu inabala pa, uling agyu ming pibatan ing kasakitan.

Ester 8:2

Likas ne ning ari ing singsing nang ating panatak a kinua nang pasibayu kang Haman at binie ne iti kang Mordecai. At tilduan na ne mang Ester i Mordecai bilang katiwala king pibandian a likuan nang Haman.

Ester 8:4

At tildu ne ning ari ing setro na kang Ester, inya tinalakad ya i Ester at ngana,

Isaias 38:2

Minarap ya i Hezekia king pader at menalangin ya.

Hosea 12:4

Mekibatbatan ya king metung a anghel at miniambut ya. Menangis ya i Jacob at meniawad yang bendisyun. Dinatang ya ing Dios karin king Betel, at migsalita ya kang Jacob.

Hebreo 5:7

King kekaban na ning bie na king yatu, miyain yang panalangin i Jesus at menigapu yang masikan at menangis arap ning Dios a makapagligtas king kamatayan na. Uli na ning migpakumbaba ya at memintu, pekiramdaman ne ning Dios.

1 Samuel 25:24

Migsakab ya lele nang bitis at ngana, Kanaku yu na pu ipagpa ing mua yu, oneng ipakisabi kung mayap king pakiramdaman yu pa mu ing sabian ku.