Ester 8:10 - Ing Mayap a Balita Biblia

¹⁰ Pepasulat na la deting Mordecai king lagyu nang Aring Asueru at tetakan na la king singsing a panatak na ning ari. Kaybat, inatad da la king kapamilatan da ring lalaking makasake karing kabayung mangabilis na ning palasyu.

Ester 8:10 Iomraidhean Croise

1 Ari 21:8

Kaybat na nita, ginawa yang mapilan a sulat i Jezebel king lagyu na ning ari; tetakan na la king panatak na ning ari, at pepadala na la karing pamuntuk at karing kagalang-galang a makatua ning siudad a tuknangan nang Nabot.

1 Ari 4:28

Ding magrasyun munamang sebada at are para karing kabayung sasaken na at pangkarwahe ila naman deting mesabing gobernador. Darala ra nu man karin mayawad idala ra.

2 Cronica 30:6

Ngana ning masasabi king sulat a pinirman na ning ari at ding galame na a dela da ring talapagdalang sulat king mabilug a Israel at Juda: Memalen na ning Israel at Juda, mibalik na kayu lub king Ginu, king Dios da ri Abraham, Isaac, at Jacob ban lingapan na lang pasibayu ding mitagan pa kekayung e na abihag ning ari ning Asiria.

Ester 8:8

Ngeni, malyari kayung gawang sulat para karing Judio at isulat yu ing nanumang buri yu king lagyu ku. Kaybat pirman ke at tatakan king singsing ku. E malyaring milako bisa ing nanumang utus a pinirman ku at tetakan ku.

Job 9:25

Mabilis la pa king taung pupulayi ding aldo ku; king kabilis dang lilipas ala lang akakit a mayap.

Ecclesiastes 8:4

Ya ing ari at ya ing malilyari buri; e me asalangsangan o akutnan man.

Isaias 60:6

Manibat king Midian at Efa kamelyu datang la ngan. Ibat Seba naman gintu at insenso ing karelang daralan. Ipamalita da ring tau ing mayap a depat ning Ginu!

Isaias 66:20

Iyuli da la antimong pasalubung da kanaku ding kekayung kabalen a atyu kareting bansa. Iyatad da la king banal kung bunduk-bundukan karin Jerusalem; pakasake la karing kabayu, asno, kamelyu, karing karwahe, at gareta antimo nung makananung ding Israelita magdala lang ain-a-binutil king Templo karing lulanan a melinis.

Jeremias 2:23

Makananu mung asabi king ing sarili mu e mu dinatan, king kapilan man e me simban i Baal? Ganakan mu ing kasalanan a depat mu king kapatagan; lawan mu ing depat mu karin. Mengari ka king dumalagang kamelyu a manintun potro, pulapulaying alang balung puntalan,

Jeremias 51:21

ban lasawan lang kabayu at ding makasake karela, paglatian lang karung panggera at ding magmanehu karela,

Daniel 4:1

Pepalual neng Aring Nebucadenesar ing mensahi para karing memalen da ring bansa, lahi, at salita ning yatu. Ngana: Kukomustan da kayu ngan!

Daniel 6:8

Inya, Makamal a Ari, gawan ye at pirman ing kautusan ban mipatupad ya. Maging metung yang batas da ring tau Media at Persia at e ya malyaring ibayu.