Ester 7:9 - Ing Mayap a Balita Biblia

⁹ Kanita nganang Harbona, ing metung karing lalaking kapun a talasuyu ning ari, E mu pu ita ing depat nang Haman; pepagawa ya pa pung pibitayan king bale na a pitung pulu't limang talampakan king katas para kang Mordecai, ing mekapagligtas king bie yu!

Ester 7:9 Iomraidhean Croise

2 Ari 9:32

Tinalanga ya i Jehu at nganang kinulisak, Ninu ing kakampi ku? Ninu? Tinando la ring adua o atlung lalaking kapun.

Ester 1:10

King kapitung aldo na ning bangketi makainum ya at masaya ing ari inyang pepayaus na la ding pitu nang kapun a talapagsilbi nai Mehuman, Bizta, Harbona, Bigta, Abagta, Zetar, at i Carkas.

Ester 5:14

Kanita nganang Zeres a asawa na at ding kakaluguran na, Obat e ka pagawang pibitayan a pitung pulu't limang talampakan king katas? At bukas abak, aduan mu king ari ing ibitin ya batal karin i Mordecai. Kaybat, masaya kang pakiabayan me ing ari king pamangan a sidia ning reyna. Metula ya i Haman kaniting minungkahi ra, inya pepagawa ne ing pibitayan.

Ester 6:14

Kabang mipapagsalita la pa, dinatang la ding lalaking kapun a tubud na ning ari, at malalagua deng tiki i Haman king pamangan a sidia nang Ester.

Ester 6:2

Mebasa king metung nang dake niting libru nung makananu nang atuklasan Mordecai ing tangka da ri Bigtana at Teres, ding aduang lalaking kapun a guardia karing kuartu na ning ari, a paten ya ing ari.

Ester 8:7

Kanita nganang Aring Asueru kang Reyna Ester at kang Mordecai a Judio, Lawan mu, binie ku na kekayu ing pibandian nang Haman at pepabite ke uling buri na lang paten ding Judio.

Ester 9:14

Inya inutus na ning ari ing ibitin da la king pibitayan ding bangke da ring apulung anak nang Haman.

Ester 9:25

Oneng pintalan neng Ester ing ari, at kaybat sinulat ne ning ari ing metung a utus. Inya ing e mayap nang tangkang Haman laban karing Judio mibagsak king sarili na, at ya at ding anak na ila ding mebite king pibitayan.

Ding Dalit 141:10

Deting taung e mayap ila sana ding marakap karetang sidia rang silu kaku kabang aku naman lumabas kung e man ninanu.

Ding Dalit 35:8

King e ra kamalayan dugpa sana karela ing kasiran; king inumang dang lambat sana ila ding marakap, king gewa rang kulkul ila sana ding manakbag!

Ding Dalit 73:19

Kabud-abud na miras ing kasiran karela; makapangilabut ing kawakasan da.

Daniel 6:24

Kanita inutus na ning ari king dakpan da la ngan ding lalaking menganiaya kang Daniel at ding karelang asawa ampon anak, at iyugse la king kulungan ding leon. Bayu la pa miras king lalam ning kulungan, ding leon sigpang da na la at piglapak.

Daniel 6:7

Ikaming mamahala king kekayung kayarian, ding talapanibala, ding gobernador, ding tagapayu, at ding aliwa pang pamuntuk pikayari mi king sana ing Kekayung Kamalan palual yang metung a kautusan at patupad yeng mitmung kaigpitan. Munie kayung kautusan ban kilub ding atlung pulung aldo ala ninumang tau a makapaniawad nanumang bage king kaninu mang dios o kaninu mang tau subali mu king Kekayung Kamalan. Miyugse ya ing ninumang labag king kautusan king kulungan ding leon.

1 Samuel 17:51

Kaybat milayi ya i David at saka ya tinalakad babo ning bangke nang Goliat at begut ne king kaluban na ing espada nang Goliat, at ya ing ginamit nang penabtab king batal na. Memulayi la ring Filisteo inyang ikit deng mete ya ing karelang bayani.