Ester 7:8 - Ing Mayap a Balita Biblia

⁸ Inyang mibalik ya karin ing ari, ikit neng makasakab i Haman king luklukan nung nu ya makasandal ing reyna. Inya nganang migsalitang masikan ning ari, Pati pala ing reynang asawa ku buri neng salbahian king akakit ku at king mismung palasyu ku! Kayari nang migsalita ning ari, tinikma de ring talasuyu na ning ari i Haman at tikpan de lupa.

Ester 7:8 Iomraidhean Croise

Ester 1:5

Kalabas da retang aldong deta, minie ne mang bangketi para karing sablang taung manuknangan king Susa, mabandi la man o kalulu. Merapat iting bangketi kilub ding pitung aldo karin king patyu ning palasyu.

Ester 1:6

Makagayak ya ing patyu king asul at maputing kurtinang linen a pakatali king mapinung lubid at argoliang pilak at makasabit la karing asias a marmol. Megawa la king gintu at pilak ding luklukan a ating sandalan. Mosaik ya ing patyu a megawa king porfido, maputing marmol; atin yang maragul at makintab a perlas at mangamal a batu.

Ester 6:12

Kaybat na nita, mibalik ya i Mordecai karin king pasbul palub king palasyu. Memalagua ne mang minuli i Haman keta karela; malungkut ya at tatakpan ne ing lupa na uli na ning mengapakarine ya.

Ester 7:10

Karin ye bitayan! nganang minutus ning ari. Inya binite re i Haman ketang pibitayan a pepagawa na para kang Mordecai. Kaybat na nita, milako na ing mua na ning ari.

Job 9:24

Miyabie ya ing yatu karing e mayap a tau. Tatakpan na la mata ding ukum. Nung aliwa ya ing Dios ing makirapat, ninu mo?

Isaias 22:17

Mapalyaring maulaga kang tau, oneng daklutan na ka ning Ginu at ibalugse.

Isaias 49:23

Maging anti lang tata kekayu ding ari; ding reyna lingapan da kayung anting ima yu. Duku la arapan yu at parangalan da kayu; king kababan lub ipakit da ing kagalangan kekayu. Akilala yu kanita king aku ing Ginu; ala metung mang mipakarine karetang manenayang saup kaku.

Amos 3:12

Ngana ning Ginu, Nung makananung ing metung a pastul ala yang asasagip nune mu ding aduang bitis o kaya metung a balugbug ning tupang piglapak ning leon, makanyan munaman ing malyari karing taung manuknangan king Samaria; mapilan la mu ding mitagan a ngeni taung kera-kera karing malambut a luklukan.

Marcos 14:65

At pigluran de ring mapilan, tikpan de lupa at penumbuk. Ulan mu na mo nung ninu ing menumbuk keka? ngarang sinabi kang Jesus. At penampaling de ring guardia.