Ester 7:7 - Ing Mayap a Balita Biblia

⁷ Mimua ya ing ari at likuan na ing pamangan at minta ya king hardin ning palasyu. Melakuan ya i Haman ban ipakisabi neng mayap ing bie na kang Reyna Ester, uling anti na nang akakit ing parusan neng mabayat ning ari.

Ester 7:7 Iomraidhean Croise

Ester 1:12

Oneng e ya mebisang tinuki ing reyna karing kapun a lalaking tubud ning ari. Inya mikalabkab ing mua na ning ari.

Ester 1:5

Kalabas da retang aldong deta, minie ne mang bangketi para karing sablang taung manuknangan king Susa, mabandi la man o kalulu. Merapat iting bangketi kilub ding pitung aldo karin king patyu ning palasyu.

Ester 7:10

Karin ye bitayan! nganang minutus ning ari. Inya binite re i Haman ketang pibitayan a pepagawa na para kang Mordecai. Kaybat na nita, milako na ing mua na ning ari.

Ding Dalit 112:10

Akit da iti ding taung e mayap; migagaligit la at mamako agad, uling mewala ngan ing karelang asahan.

Ding Kasebian 14:19

Duku la ding taung e mayap karing taung mayap at karela makisabing mayap maniawad kasaupan.

Ding Kasebian 14:35

Tutula ya ing ari karing talasuyung tapat, oneng mimimua ya karing makarine dapat.

Ding Kasebian 16:14

Ing mua ning ari magdalang kamatayan king ninuman, inya ing taung ating kabiasnan sukat neng pamatulan ing ari.

Ding Kasebian 19:12

Ing mua ning ari mengaring galeung ning leon, oneng ing pamaniapat nang mayap mengaring uran a panenayan.

Isaias 60:14

Datang la ding anak da ring keka menggipit, at duku ban kagalangan keka ibie ra. Samba la arapan mu detang kanitang misan keka meninsultu. Ing Siudad ning Ginu ing keka ra ipamalagyu, Zion, ing Siudad ning Dios a Banal ning Israel.

Daniel 3:19

Kanita mikapali ya buntuk i Nebucadenesar at melare ya lupa king mua na kari Sadrac, Mesac, at Abednego. Inya inutus na karing tauan na king ipali reng pitung besis kapali ing ornu kesa king sadia.

Kapahayagan 3:9

Pakiramdaman mu iti: palapitan ku la at pasikloran arap mu ding kampun nang Satanas, ding malaram at magpanggap Judio, ban abalu ra king kaluguran da ka.

1 Samuel 20:7

Nung sakaling e ya mimua, kanita e ku numanu balang; nung sakali namang mimua ya, kanita abalu mu king buri na kung panasakitan.

1 Samuel 20:9

Nganang Jonatan, Marayung malyari iti! Nung balu ku mung e mayap ing buri nang gawan tata ku laban keka, e ku wari sabian keka?

1 Samuel 25:17

Isipan yu pung masalese nung nanung agawa yu, uling mibili ya king panganib ing panginuan mi at antimu rin ing mabilug nang pibalebale. Masiadu yang masungit, inya alang mangangas makipagsalita king asawa yu.