Ester 7:4 - Ing Mayap a Balita Biblia

⁴ Pisali da ku at ding kabalen ku ban paten at lubusan gisanan a lahi. E na ku sana bubulad nung pisali da kami mu ban gawan ipus at e ra na kayu inabala pa, uling agyu ming pibatan ing kasakitan.

Ester 7:4 Iomraidhean Croise

Nehemias 5:5

Metung kami mu ibatan at paraparehung Judio. Paraparehu ing kabilian da ring anak mi ampon ding anak da. Makanyan man, mepilitan kaming pisali mi lang bilang ipus ding anak mi uling ala keng akarapat. Ipus na la ding mapilan karing anak ming babai; e mi na la bandi ding kekaming marangle at mulahan ubas.

Ester 3:13

King kapamilatan da ring talapanatad sulat, miras la ding sulat karing sukat mirinan ban king metung mung aldo, ing kalabing atlung aldo ning kalabing aduang bulan, ing bulan ning Adar, paten la ngan ding sablang Judiokayanakan at makatua, babai at anak at kuanan ing sablang pibandian da. Ala lang tatagan metung man; kailangan ing gisanan la ngang paten.

Ester 3:9

Nung burian yu pu, Makamal a Ari, gawa kayung kautusan ban pamaten la ngan deting tau. Nung mika kautusan a anti kanita, siguradung mika atlung dalan pitung pulu't limang toneladang pilak king kaban na ning ari a malyaring magamit king obra na ning kayarian.

Ester 7:5

Kanita kitang nang Aring Asueru kang Reyna Ester, Ninu ing maki dapat kanyan? Nukarin ya ing taung pangangas a makirapat kanyan?

Ester 7:6

Nganang mekibat Ester, Ing kekaming kalaban at manligalig kekami ya ining Haman a ini a marawak! Ginalgal ya king takut i Haman king arapan na ning ari at ning reyna.

Ester 8:11

King kapamilatan da reting sulat, paintulutan na la ning ari ding Judio king balang lugal ing mitipun la ban idipensa ing sarili da at ing pamilya da laban king ninumang lumusub karela. Malyari lang lumaban at makamate karing mangangas a makamate karela o maniamsam king pibandian da.

Ester 8:6

E ku malyaring apibata ing akit ku ing kamatayan da ring kalahi ku at kamaganak.

Ester 9:25

Oneng pintalan neng Ester ing ari, at kaybat sinulat ne ning ari ing metung a utus. Inya ing e mayap nang tangkang Haman laban karing Judio mibagsak king sarili na, at ya at ding anak na ila ding mebite king pibitayan.

Daniel 6:2

Karagdagan kareti, pinili ne i Daniel at ding adua pang tau ban pamahalan da la ring gobernador king obra da at ban pagmalasakitan ing kapakanan na ning ari.

Joel 3:6

Dela yu la karing marayung bansa ding memalen na ning Juda at Jerusalem, at pisali yu la karing Griego.

Amos 2:6

Ngana ning Ginu, Ulit-ulit lang mikakasala ding memalen na ning Israel. Uli na niti, siguradu ku lang parusan. Pamisali da lang anting ipus ding taung alang kasalanan a e makabayad karing utang da, at pisasali da lang anting ipus ding pakakalulung lalaki king alaga namu ning kaparis a sandalyas.

Lucas 12:45

Nung ing ipus a ita sabian na king sarili na, E ya agad datang ing kanakung panginuan, at pagumpisan na na lang panasakitan ding aliwang ipus a lalaki at babai at mangan ya at minum at maglasing.

Deuteronomio 28:68

Isake na kayu ning Ginu karing barku ban ibalik pasibayu king Ehipto agyang pengaku nang e na na kayu ibalik pasibayu. Karin yu pisali ing sarili yu bilang ipus karing kalaban yu, oneng metung man alang mabisang sali kekayu.

Josue 9:23

Uling depat yu iti, makasumpa kayu. Ikayu at ding kabalen yu manatili lang ipus, talasibak dutung, at talasaklung danum para king bale ning Dios.

1 Samuel 22:23

Manatili kang kayabe ku; e ka tatakut. Ing bisang makamate keka ya naman ing bisang makamate kanaku. Ligtas ka ngening kayabe mu ku.