Ester 7:3 - Ing Mayap a Balita Biblia

³ Nganang mekibat Reyna Ester, Nung tune ping apapaligaya da kayu at nung burian yu, o Kagalang-galang a Ari, e yu sa paintulut ing paten da ku at ding kanakung kalahi.

Ester 7:3 Iomraidhean Croise

1 Ari 20:31

Ngara ding opisyal na, Makamal a Ari, abalitan mi king malunusan la ding ari ning Israel. Inya paintulutan yu kaming magbabat saku karing awakan mi at mitaling lubid karing buntuk mi, at kaybat lapitan mi ya ing ari ning Israel. Siguru e na ka papate, nung makanyan ing daptan mi.

2 Ari 1:13

Pepasibayu ne namang mitubud aliwang opisyal at limang pulung sundalus. Siniklaud ya ing opisyal king arapan nang Elias at nganang mekisabing mayap, Talasuyu ning Dios, malunus kayu sana kanaku at karing limang pulung sundalus ku. E mu sa paintulut ing mate kami king api!

Ester 4:8

Dininan neng kopia ning kautusan ning ari a gisanan lang paten ding Judio a linual king Susa ban ibie ne kang Ester, at ibalita ing karelang gipit a kabilian, at ban lumapit ya i Ester king ari at malunus ya sa karing kabalen nang Judio.

Ester 5:8

Nung tune ping apapaligaya da kayu at tula yu ing ibie ing nanumang aduan ku kekayu, nung burian yu, agkatan da kayung pasibayu bukas, ikayu at i Haman ban mangan. Kanita ku na sabian kekayu ing buri ku.

Ester 7:7

Mimua ya ing ari at likuan na ing pamangan at minta ya king hardin ning palasyu. Melakuan ya i Haman ban ipakisabi neng mayap ing bie na kang Reyna Ester, uling anti na nang akakit ing parusan neng mabayat ning ari.

Ester 8:5

Nung burian na ning ari at nung makaligaya ku kekayu, at nung king panlalawe na ning ari king iti matulid, ipakisabi kung mayap king gawa kayung metung a kautusan ban pawalan yang bisa ing kautusan a pepasari nang Haman, ing Agageo at anak nang Hamedata, ban paten la ding Judiong manuknangan karing probinsiang sakup yu.

Job 2:4

Pekibat nang Satanas, Ibie na ngan ing heganaganang atyu king tau ba yang e mate.

Jeremias 38:26

Sabian mu karela king pekisabian mu ku mung mayap ban e da ka sana babalik king sukulan; ban e ka mate karin.