Ester 7:10 - Ing Mayap a Balita Biblia

¹⁰ Karin ye bitayan! nganang minutus ning ari. Inya binite re i Haman ketang pibitayan a pepagawa na para kang Mordecai. Kaybat na nita, milako na ing mua na ning ari.

Ester 7:10 Iomraidhean Croise

Genesis 40:22

oneng pepabite ne ing pamuntuk da ring panadero antimo ing sinabi nang Jose karela.

Ester 2:1

Kaybat na nita, milako ne mua ing ari. Makanyan man, parati nang agaganaka itang depat nang Vasti at itang utus a gewa na laban keya.

Ester 5:14

Kanita nganang Zeres a asawa na at ding kakaluguran na, Obat e ka pagawang pibitayan a pitung pulu't limang talampakan king katas? At bukas abak, aduan mu king ari ing ibitin ya batal karin i Mordecai. Kaybat, masaya kang pakiabayan me ing ari king pamangan a sidia ning reyna. Metula ya i Haman kaniting minungkahi ra, inya pepagawa ne ing pibitayan.

Ester 7:7

Mimua ya ing ari at likuan na ing pamangan at minta ya king hardin ning palasyu. Melakuan ya i Haman ban ipakisabi neng mayap ing bie na kang Reyna Ester, uling anti na nang akakit ing parusan neng mabayat ning ari.

Ester 7:8

Inyang mibalik ya karin ing ari, ikit neng makasakab i Haman king luklukan nung nu ya makasandal ing reyna. Inya nganang migsalitang masikan ning ari, Pati pala ing reynang asawa ku buri neng salbahian king akakit ku at king mismung palasyu ku! Kayari nang migsalita ning ari, tinikma de ring talasuyu na ning ari i Haman at tikpan de lupa.

Ester 8:7

Kanita nganang Aring Asueru kang Reyna Ester at kang Mordecai a Judio, Lawan mu, binie ku na kekayu ing pibandian nang Haman at pepabite ke uling buri na lang paten ding Judio.

Ester 9:14

Inya inutus na ning ari ing ibitin da la king pibitayan ding bangke da ring apulung anak nang Haman.

Ester 9:25

Oneng pintalan neng Ester ing ari, at kaybat sinulat ne ning ari ing metung a utus. Inya ing e mayap nang tangkang Haman laban karing Judio mibagsak king sarili na, at ya at ding anak na ila ding mebite king pibitayan.

Job 18:8

Dumalan ya king metung a lambat, at marakap lang bitis na;

Job 20:8

Anting paninap matda ya, anting vision ning kabengian e ne mayakit kapilan man.

Ding Dalit 37:15

Oneng iting espada ra king mismung pusu da karin ya dugpa, at ding pana ra mapakli la.

Ding Dalit 7:16

Ing e ustung depat na migbalandra king bie na; ing katampalasan na king sariling buntuk na digpa.

Ding Dalit 94:23

Parusan na la king depat dang pamikasala, at paten na la uli ning kasalanan da. Wa, ing Ginung kekatamung Dios, paten na la.

Ding Kasebian 11:27

Nung mayap ing kekang buri, ding tau karelang igalang; nung kaguluan ing kekang parasan iti kekang atagpuan.

Ding Kasebian 11:8

Ligtas la king ligalig ding taung matulid, oneng karing e mayap iti lalapit.

Ding Kasebian 26:27

Ing miyuyumang bitag para karing kalupa nang tau ya mismu ing marakap. Itang parugang king batu ya ing mipatanan.

Jeremias 34:17

Inya ngeni, aku, ing Ginu, sasabian ku king e yu ku pemintuan; e yu binie karing kalupa yung Israelita ing karelang kalayaan. Inya, dinan da kayung kalayaan: ing kalayaan mate king gera, king salut, at king danup. Mitakutan ya ing balang bansa ning yatu king daptan ku kekayu.

Ezekiel 5:13

Ibugnus ku ing bigsikan na ning kanakung mua at kasbu anggang e ku mipasno. Potang iti mapalyari na ngan, maniwala na ka king aku, ing Ginu, migsalita ku pin keka uling mimua ku king kekang kataksilan.

Daniel 6:24

Kanita inutus na ning ari king dakpan da la ngan ding lalaking menganiaya kang Daniel at ding karelang asawa ampon anak, at iyugse la king kulungan ding leon. Bayu la pa miras king lalam ning kulungan, ding leon sigpang da na la at piglapak.

Daniel 6:25

Kanita silatanan na la ngan ning Aring Dario ding memalen da ring bansa, lahi, at salita ning yatu. Ngana: Kukomustan da kayu ngan!

Zacarias 6:8

Kanita kilait na ning anghel kanaku, Ikua rang alako ding kabayung minta king dane norti ing mua ning Ginu.

Ukum 15:7

Nganang Samson karela, Ah, makanyan pala ing daraptan yu! Susumpa ku ing e ku patugut anggang e ku mekayablas kekayu!