Ester 6:1 - Ing Mayap a Balita Biblia

¹ King benging ita, e ya mipatudtud ing ari, inya pepakua ne ing librung pisusulatanan king istoria ning kayarian at binasa de king ari.

Ester 6:1 Iomraidhean Croise

Genesis 22:14

Inaus neng Ing Ginu ya ing Babie ing lugal a ita. Makanyan deng ausan ngeni ding tau: King Bunduk ning Ginu Babie ya.

Ester 10:2

Ing upaya na at ing sablang depat nang mayap, pati na ing parangal at pangatas na katungkulan Mordecai, misulat ngan king Librung Istoria da ring Ari ning Media at Persia.

Ester 2:21

Karing aldo a deta, kabang makalukluk ya king pasbul dalan na ning ari, dimdam na lang mipagsalitang Mordecai di Bigtan at Teres, ding aduang kapun a lalaking guguardia karing kuartu na ning ari. Mua la kang Aring Asueru at pikayari da ing paten de.

Ester 2:22

Abalu nang Mordecai iti at sinabi na kang Reyna Ester, at sinabi na namang Ester iti king ari, makayagpang king atuklasan nang Mordecai.

Ester 2:23

Pepasiasat na ning ari iting bage at meyakit king tutu pin. Inya binite da la ring aduang taung migtangkang makamate king ari. Misulat iti king opisyal a talaan na ning kayarian.

Ester 5:8

Nung tune ping apapaligaya da kayu at tula yu ing ibie ing nanumang aduan ku kekayu, nung burian yu, agkatan da kayung pasibayu bukas, ikayu at i Haman ban mangan. Kanita ku na sabian kekayu ing buri ku.

Isaias 41:17

Potang ding memalen ku king pamangailangan da manintun lang danum, at potang langi la king kau ding karelang akmulan, kanita, aku ing Ginu, pakibatan ku ing karelang dalung. Aku, ing Dios ning Israel, kapilan man e ku la gulutan.

Daniel 2:1

Meninap ya ing Aring Nebucadenesar. Milyari iti king kadua nang banua ning pamag-ari na. Tutu yang meligalig angga king e ya mipapatudtud.

Daniel 6:18

Kaybat, mibalik ya ing ari king palasyu, oneng e ya mipatudtud kabukas; e ya makapangan o makapagsaya dit' man.

Malakias 3:16

Kanita mipapagsalita la ding taung ating takut king Ginu, at mekiramdam ya ing Ginu, at dimdam na ing sablang sinabi ra. King akakit na, misulat la king libru ning kapigaganakan detang ating takut at kagalangan king Ginu.

Roma 11:33

E mu asukdan ing pibandian na ning Dios! Antimu rin ing kabiasnan na ampon beluan! Ninu ing makasaliksik king kayatulan na? Ninu mo ing makaintindi king pamamaralan na?