Ester 5:2 - Ing Mayap a Balita Biblia

² Ikit ne ning ari i Reyna Ester at ikua kapanamdaman kabang makatalakad ya karin. Tildu ne kang Ester ing tatalnan nang gintung setro, inya linapit ya king ari i Ester at tigkil ne ing punta ning setro.

Ester 5:2 Iomraidhean Croise

Genesis 32:28

Kanita ngana ning lalaki, Manibat ngeni Israel na ing lagyu mu; e na Jacob uling akabatbatan me ing Dios ampon ding tau at miniambut ka.

Nehemias 1:11

O Ginu, pakiramdaman mu sana ing panalangin ku at ing panalangin da ring aliwang talasuyu mu a bisang munie parangal keka. Papagtagumpen mu sana ngeni ing lakad ku at malunus ya sa kanaku ing ari. Kanitang panaun a ita aku ing talaingat king kopa nang alak ning ari.

Ester 2:9

Meging malapit ya lub i Hegai kang Ester. Inya depat na ing sablang agyu na ban lalung lunto ing lagu na. Dininan neng makapasubaling pamangan ampon gamit pampalagu, at memili yang pitung babai king palasyu ning ari ban lingun keya. E mu ita, dininan neng masanting a lugal king harem na ning ari.

Ester 4:11

Balu ra ngan ding sablang pamuntuk na ning ari at ding memalen karing probinsiang sakup na king paten ya ing ninumang lalaki o babai a lumapit king ari a e na pepayaus. Iti ya ing bukud kautusan a mipatupad subali mu karetang kaninu ne ituldu ing gintu nang setro. Atlu nang pulung aldo ngeni ing e na ku payaus ning ari.

Ester 8:4

At tildu ne ning ari ing setro na kang Ester, inya tinalakad ya i Ester at ngana,

Ding Dalit 116:1

Kaluguran ke ing Ginu, uling pakiramdaman nang panalangin ku.

Ding Kasebian 21:1

Tatairan ne ning Ginu ing pamisip na ning ari. Anti ing mamagus a danum payagusan ne ketang lugal a buri na.

Ding Dapat 10:4

Minatna yang mitmung takut king anghel at ngana, Nanu pu ita, ginu? Mekibat ya ing anghel, Tinggap ning Dios ing kekang panalangin ampon dapat a mayap at e na ka kelinguan.

Ding Dapat 7:10

Linigtas ne king sablang kaligaligan a delanan na. Binendisyunan ne ning Dios i Jose at dininan neng kabiasnan inyang minarap ya king ari ning Ehipto. Inya tilduan ne ning ari a maging gobernador na ning mabilug a bansa ampon ning palasyu na.