Ester 5:1 - Ing Mayap a Balita Biblia

¹ Kalabas da ring atlung aldo, sinulud nang Ester ing imalan reyna at minta ya't tinalakad king korti na ning ari, tulid na ning palasyu ning ari. Makalukluk ya kanita ing ari king tronu na kilub ning palasyu at makayarap ya king pasbul palub king palasyu.

Ester 5:1 Iomraidhean Croise

Ester 1:11

Inutus na karela ing idala de i Reyna Vasti; sukat yang makaputung king buntuk na ning reyna ing korona na. Buri neng ipagmaragul ning ari karing bisita na uling tune yang malagu ing reyna.

Ester 2:5

Kanitang panaun a ita, ating Judiong manuknangan king siudad ning Susa. Mordecai ing lagyu na; anak neng Jair at apu neng Simei at apu ne king tud Kis ning tribu nang Benjamin.

Ester 4:11

Balu ra ngan ding sablang pamuntuk na ning ari at ding memalen karing probinsiang sakup na king paten ya ing ninumang lalaki o babai a lumapit king ari a e na pepayaus. Iti ya ing bukud kautusan a mipatupad subali mu karetang kaninu ne ituldu ing gintu nang setro. Atlu nang pulung aldo ngeni ing e na ku payaus ning ari.

Ester 4:16

Sulung, tipunan mu la ngan ding sablang Judio king Susa, at mag-ayunu kayu para kanaku. E kayu mamangan o miminum kilub ding atlung aldo at bengi. Aku at ding damas ku mag-ayunu kami munaman. Kaybat, lapitan ke ing ari agyang iti labag king kautusan. E bala ing mate ku, nung iti ing kailangan.

Ester 4:17

Kanita meko ya i Mordecai at depatan na itang sablang parapat nang Ester.

Ester 6:4

Nganang kinutang ning ari, Ninu itang atyu king korti? Kalub-alub na pa kanitang Haman king korti ning palasyu ban aduan king ari ing ibitin ya batal i Mordecai king pibitayan a makasadia na.

Ester 8:15

Kaybat na nita, linual ya king palasyu i Mordecai; makaimalan yang ari a kule asul at maputi, at balabal a mapinung linen at metung a masanting a koronang gintu. Migbiba la ding tau ning Susa king tula ra inyang ikit de.

Mateo 10:16

Tandanan yu! Tutubud da kayu antimong tupa libutad da ring asung-gubat. Sukat kayung maging matalino antimo ding ubingan, at mamu lub antimo ding patipati.

Mateo 11:8

Nanu ing liwalan yung alben? Ing metung a taung makaimalan masanting? Ding taung pakaimalan masanting karing palasyu la mu mayayakit!

Mateo 27:64

Pakipabante ye sa pung maigpit ing kutkutan na angga king katlung aldo pota munta la karin ding alagad na at panakawan de ing bangke, at kaybat ipamalita ra karing tau ing sinubli yang mebie. Iting tauling pamaglinlang igitan na pa ing mengapapauna.

Lucas 22:30

Mangan kayu at minum kayabe ku king Kayarian ku at lukluk kayu karing tronu ba yu lang ukuman ding labing aduang tribu na ning Israel.

Kapahayagan 3:21

Lukluk yang kayabe ku king tronu ku ing magtagumpe, nung makananung migtagumpe ku at ngeni makalukluk kayabe nang Ibpa ku king tronu na.