Ester 4:8 - Ing Mayap a Balita Biblia

⁸ Dininan neng kopia ning kautusan ning ari a gisanan lang paten ding Judio a linual king Susa ban ibie ne kang Ester, at ibalita ing karelang gipit a kabilian, at ban lumapit ya i Ester king ari at malunus ya sa karing kabalen nang Judio.

Ester 4:8 Iomraidhean Croise

Ester 2:20

E na pa pigtapat Ester ing lahing penibatan na o ding kamaganak na antimo ing penabilin nang Mordecai keya. Pemintuan na ing penabilin na kalupa ning pamamintu na inyang malati ya pa mu lalam ning lingap na.

Ester 4:9

Meko ya i Hatak at sinabi na ngan kang Ester ing sablang pasabi nang Mordecai.

Ester 8:6

E ku malyaring apibata ing akit ku ing kamatayan da ring kalahi ku at kamaganak.

Job 9:15

Agyamang ala kung kasalanan, e ku pa mu rin makiargu; maniawad na ku mung lunus king Dios a ukum ku.

Ding Dalit 122:6

Ipanalangin ye ing kapayapan ning Jerusalem king Ginu. Minawa la sana detang malugud keka!

Ding Kasebian 21:1

Tatairan ne ning Ginu ing pamisip na ning ari. Anti ing mamagus a danum payagusan ne ketang lugal a buri na.

Ecclesiastes 10:4

Nung mimua ya ing mamuntukan keka, e mu lalakuan ing kekang obra; agyang ing maragul a kakulangan malyaring mipatawaran nung e na ka bubulad.

Ding Dapat 12:20

Maluat na na lang kamuan Herodes ding memalen karin Tiro at Sidon; inya mekikit lang agnan-agnan keya. Muna, pekikuanan deng ayagkat makikampi karela i Blasto; ya ing talapangasiwa king palasyu na ning ari. Kaybat, lepitan de i Herodes at mekipagkasundu la keya, uling kakua yang pagkabie na ing karelang bansa king bansang sasakupan na ning ari.

1 Timoteo 6:13

King arapan na ning Dios a babie bie karing sablang bage at king lagyu nang Cristo Jesus a pepatutu king arapan nang Poncio Pilato, yuyutus ku keka:

1 Timoteo 6:17

Iyutus mu karing mabandi king e la sa mapagmaragul ni manalig king pibandian a alang kapilmian; nune manalig la king Dios a babie labis-labis king bage a makaligaya kekatamu.