Ester 4:4 - Ing Mayap a Balita Biblia

⁴ Miras ing balita kang Reyna Ester king kapamilatan da ring damas na at ding lalaking kapun. Bina yang meligalig ing reyna; pepadalan neng imalan i Mordecai ban alilan na ing magaspang a imalan a saku a susulud na, oneng e ya mebisa i Mordecai.

Ester 4:4 Iomraidhean Croise

Genesis 37:35

Penikuanan deng pamatulan ding anak na, oneng ala mu ring milyari. E yu ku pamatulan, ngana, dalan ku nang mate ing kalungkutan ku. Makanyan neng tengisan ing anak nang i Jose.

2 Ari 9:32

Tinalanga ya i Jehu at nganang kinulisak, Ninu ing kakampi ku? Ninu? Tinando la ring adua o atlung lalaking kapun.

Ester 1:12

Oneng e ya mebisang tinuki ing reyna karing kapun a lalaking tubud ning ari. Inya mikalabkab ing mua na ning ari.

Ester 4:3

King balang probinsia nung nu ya miras ing utus ning ari, mika tangisan mitmung kapait-paitan karing Judio; mig-ayunu la at misulud magaspang a imalan, at migkera la king abu ding keraklan karela.

Ester 4:5

Inya pepayaus neng Ester i Hatak, ing metung karing kapun na ning ari a miyatasan sumaup keya. Inutusan neng paintunan ne i Mordecai at ikutang nung baket mipakanyan ya.

Ding Dalit 77:2

King oras ning kaguluan manalangin ku king Ginu; tinas ku la king pamanalangin kabukas ding kakung gamat, oneng ing tula a kakung kailangan e ku tinggap.

Isaias 56:3

E na sukat sabian ning taung dayuan a mekianib karing taung pinili na ning Ginu ing anti kaniti, E na buri ning Ginu ing samba kung kayabe ra ding taung pinili na. E na naman sukat isipan ning taung kapun king uling e ya malyaring mikayanak e ne malyaring maging kayanib king balen a pinili ning Dios.

Jeremias 31:15

Ngana ning Ginu, Ing metung a siwala meramdam ya king Rama, ing siwala ning mapait a tangis. Manangis ya i Raquel uling ding anak na ala na la, at tatanggian na ing mipaligayan ya.

Ding Dapat 8:27

Inya migayak ya i Felipe at meko. Ating metung a kapun a tau Etiopia, pa-uli ne keta karela. Ing kapun a iti metung yang matas a opisyal na ning Reyna o Candace na ning Etiopia. Ya ing tesoreru na. Makasake yang karwahe; pabalik neng ibat sinamba king Dios karin Jerusalem. Kabang dalan mamasa ya; babasan ne ing metung nang dake ning libru na ning propeta Isaias.

1 Samuel 8:15

Kuanan na ing sikapulu king kekayung trigu at karing kekayung ubasan, at ibie na iti karing opisyal na at karing talasuyu na.