Ester 4:3 - Ing Mayap a Balita Biblia

³ King balang probinsia nung nu ya miras ing utus ning ari, mika tangisan mitmung kapait-paitan karing Judio; mig-ayunu la at misulud magaspang a imalan, at migkera la king abu ding keraklan karela.

Ester 4:3 Iomraidhean Croise

Ester 1:1

Ing sasakupan nang lugal Aring Asueru ning Persia inyang kapanaunan na magumpisa ya king India at angga ya king Etiopia. Bibilugan de ring dinalan aduang pulu't pitung probinsia.

Ester 3:12

Inya king kalabing atlung aldo na ning mumunang bulan, inaus na lang Haman ding kalihim na ning ari at inutusan na lang gawang sulat para karing gobernador da ring probinsia at pamuntuk balen. Misulat iti king salitang gagamitan da at king lagyu na ning Aring Asueru. Kaybat tetakan na la king singsing a ating panatak ning ari.

Ester 4:16

Sulung, tipunan mu la ngan ding sablang Judio king Susa, at mag-ayunu kayu para kanaku. E kayu mamangan o miminum kilub ding atlung aldo at bengi. Aku at ding damas ku mag-ayunu kami munaman. Kaybat, lapitan ke ing ari agyang iti labag king kautusan. E bala ing mate ku, nung iti ing kailangan.

Ester 4:2

angga na king miras ya king dalan palub king palasyu. E ya linub uling makabawal kenu man ing lungub a makaimalan magaspang.

Ester 4:4

Miras ing balita kang Reyna Ester king kapamilatan da ring damas na at ding lalaking kapun. Bina yang meligalig ing reyna; pepadalan neng imalan i Mordecai ban alilan na ing magaspang a imalan a saku a susulud na, oneng e ya mebisa i Mordecai.

Ester 9:31

at king sukat da lang pagselebran ding aldo ning Purim king mitakdang panaun, antimo ing penabilin na karelang Mordecai at ning Reyna Ester. Mayayawad munaman karela at karing maging lahi ra ing mag-ayunu la at manangis.

Job 2:8

Linukluk ya king abu i Job, at kinangwa yang kapirasung kapsa ban pangayud na karing baya na.

Isaias 22:12

Mamaus ya kanita keka ing Ginung Dios a Mayupaya ban manangis kayu at magpaldas, ban kalbuan la ding buntuk yu at ban misulud imalan a magaspang.

Isaias 22:4

Ngeni, lakuan yu kung dili-dili ban manangis kapait-paitan uli da ring mete kung memalen. E yu na ku sana aruan.

Isaias 58:5

Pasakitan yu ing sarili yu neng mag-ayunu kayu; duruku yu la ding buntuk yu anti ing bulung ning tanaman, at miladlad kayung langgotsi ampon mibibiling abu ban pipagkeran yu. Iti ya wari ing ausan yung pamag-ayuno? Isipan yu mo galang king tutula ku king dapat yung yan?

Ezekiel 27:30

Manangis la ngan e makanyan-kanyan para keka, bububuran da lang alikabuk ding karelang buntuk, at king abu la kasat-kasat.

Daniel 9:3

At taimtim kung menalangin king Ginung Dios; menalangin ku king Dios, mig-ayunu, misulud imalan a magaspang, at linukluk ku king abu.

Jonas 3:6

Inyang abalitan na ning ari ning Nineve iti, tinalakad yang ibat king tronu na; likas ne ing balabal na, misulud yang imalan a magaspang at linukluk ya king abu.

Mateo 13:42

at iyugse da la ngan king mapaling ornu. Karin la tumangis at mitigis a ipan.

Mateo 22:13

Kanita ngana ning ari karing ipus, Igapus ye gamat at bitis at iyugse ye king karalumduman king lual. Karin ya kumiak at mitigis a ipan.

Mateo 25:30

Tungkul naman kening alang kwentang ipus a ini, iyugse ye king karalumduman king lual ban karin ya manangis at mitigis a ipan.

Josue 7:6

Linapit ya i Josue at ding manimuna na ning Israel king Kaban ning Kasunduan ning Ginu. Ginabak da ing imalan da at mikana lang alikabuk king buntuk da ban ipakit ing kalungkutan da. Migsakab la king gabun at menatili la karin angga itang bengi.

1 Samuel 11:4

Inyang miras la ding tubud king Gibea a lugal nang Saul, belitanan da la ring memalen karin king milyari. Menangis la ngan masikan ding sabla.