Ester 4:1 - Ing Mayap a Balita Biblia

¹ Inyang abalitan nang Mordecai ing sablang milyari, ginabak na ing imalan na uli na ning lungkut na. Kaybat misulud yang imalan a magaspang at mibili yang abu king buntuk na at miglakad king siudad. Manangis yang masikan at king mitmung kapait-paitan

Ester 4:1 Iomraidhean Croise

Genesis 27:34

Inyang dimdam nang Esau ing sinabi nang tata na, kinulisak yang masikan at menangis yang e mu nanu. Ngana kang tata na, Tatang, bendisyunan yu ku munaman!

Genesis 37:34

Ginabak neng Jacob ing imalan na uli na ning lungkut na, at saka ya misulud imalan a magaspang. Pigkalungkutan ne ing anak na kilub ning makabang panaun.

2 Samuel 1:11

Kanita ginabak nang David ing imalan na uli na ning lungkut. Makanyan munaman ing depat da ring sablang tauan na.

2 Samuel 13:19

Mibili yang abu king buntuk na at ginabak ne ing susulud nang imalan at tikpan ne ing lupa na karing gamat na at kikiak yang masikan kabang lalakad ya.

Ester 4:2

angga na king miras ya king dalan palub king palasyu. E ya linub uling makabawal kenu man ing lungub a makaimalan magaspang.

Ester 4:3

King balang probinsia nung nu ya miras ing utus ning ari, mika tangisan mitmung kapait-paitan karing Judio; mig-ayunu la at misulud magaspang a imalan, at migkera la king abu ding keraklan karela.

Job 1:20

Kanita tinalakad ya i Job; ginabak na ing imalan na uli ning lungkut na. Sitsat ne ing buntuk na, migsakab ya king gabun, at sinamba ya king Dios.

Job 2:8

Linukluk ya king abu i Job, at kinangwa yang kapirasung kapsa ban pangayud na karing baya na.

Job 42:6

Inya tutu kung pagmarinayan ing heganagana kung sinabi, at sisisian ku king alikabuk at abu.

Isaias 15:4

Kikiak la ding memalen na ning Hesbon at Eleale, at mararamdam ing kiak da angga karin Jahaz. Gagalgal la pati na ding sundalus; mimina la lub.

Isaias 22:4

Ngeni, lakuan yu kung dili-dili ban manangis kapait-paitan uli da ring mete kung memalen. E yu na ku sana aruan.

Isaias 37:1

Inyang dimdam nang Aring Hezekia ing ulat da, ginabak na ing imalan a susulud na uli na ning lungkut na; misulud yang magaspang a imalan at minta ya king Templo ning Ginu.

Isaias 37:2

Tinubud ne i Eliakim, ing opisyal a manibala king palasyu, i Sebna, ing kalihim ning palasyu, at ding makatua karing pari kang propeta Isaias a anak nang Amoz. Makasulud la namang imalan a magaspang.

Isaias 58:5

Pasakitan yu ing sarili yu neng mag-ayunu kayu; duruku yu la ding buntuk yu anti ing bulung ning tanaman, at miladlad kayung langgotsi ampon mibibiling abu ban pipagkeran yu. Iti ya wari ing ausan yung pamag-ayuno? Isipan yu mo galang king tutula ku king dapat yung yan?

Ezekiel 21:11

Mipakintaban ne ing espada, ban isadia ya king pangagamit na. Mitais ya at pepakintab ban ibili ya karing gamat na ning makamate.

Ezekiel 21:6

Anak ning tau, saingsing kang kapait-paitan a balamu wari masaspak ya ing salu mu. Mangisnawa kang saldak king akakit da ring tau.

Daniel 9:3

At taimtim kung menalangin king Ginung Dios; menalangin ku king Dios, mig-ayunu, misulud imalan a magaspang, at linukluk ku king abu.

Mikeas 1:8

Kanita nganang Mikeas, Uli na niti, magpaldas ku at manangis. Ban ipakilala ing kalungkutan ku lumakad kung makatapak at alang imalan king dalan. Ngulangul kung anti ding asu at gumaga kung anti ing ayup a ostrich.

Zepania 1:14

Malapit ne ing marangal nang aldo ning Ginu; malapit neng malapit at mabilis yang daratang! Ing aldong ita maging aldo yang mitmung pait, uling tumangis la pati ding pekamatapang nang sundalus uli na ning ala lang akarapat!

Mateo 11:21

Ngana, Makalunus ka, Corazin! Makalunus ka Betsaida! Uling nung king Tiro at king Sidon karin la merapat ding milagrung merapat kekayu, malambat na la sanang mimalan a magaspang at memuntuk abu ding tau karin ban ipakilala ra ing karelang pamanisi.

Ding Dapat 14:14

Inyang abalitan da ri Bernabe at Pablo ing buri dang daptan, pengabak da ing imalan a karelang susulud at milayi lang linibutad karing tau. Ngarang kukulisak,

Josue 7:6

Linapit ya i Josue at ding manimuna na ning Israel king Kaban ning Kasunduan ning Ginu. Ginabak da ing imalan da at mikana lang alikabuk king buntuk da ban ipakit ing kalungkutan da. Migsakab la king gabun at menatili la karin angga itang bengi.

Kapahayagan 11:3

Parala ku la ding adua kung testigu a makaimalan magaspang, at kilub ding libu aduang dalan at anam a pulung aldo ipanaral da ing amanu na ning Dios.