Ester 3:9 - Ing Mayap a Balita Biblia

⁹ Nung burian yu pu, Makamal a Ari, gawa kayung kautusan ban pamaten la ngan deting tau. Nung mika kautusan a anti kanita, siguradung mika atlung dalan pitung pulu't limang toneladang pilak king kaban na ning ari a malyaring magamit king obra na ning kayarian.

Ester 3:9 Iomraidhean Croise

Genesis 23:16

Mekipagkayari ya i Abraham kang Efron. Tinimbang na ing pilak a sinabi nang pamayad na king daramdaman da ring Hiteo; apat a ralan a pirasung pilak agpang king alagang mimiral kanita.

Ester 3:10

Likas ne ning ari ing singsing nang ating panatak at binie ne kang Haman, ing Agageo at anak nang Hamedata at kalaban da ring Judio.

Ester 3:8

Kanita na sinabing Haman kang Aring Asueru ing anti kaniti, Atin pung metung a lahi a makakalat king mabilug yung kayarian at atatagpuan la karing balang probinsia. Makayaliwa la ugali at e la bisang mamintu karing kautusan na ning kekayung kayarian. E pu makakayap iti kekayu at king kayarian nung paburen na lang makanyan.

Ester 4:7

Selita na ngan Mordecai kang Hatak ing sablang milyari at pati na ding salaping ibie nang Haman king kaban ning kayarian, nung magisan lang mate ding sablang Judio.

Ester 7:4

Pisali da ku at ding kabalen ku ban paten at lubusan gisanan a lahi. E na ku sana bubulad nung pisali da kami mu ban gawan ipus at e ra na kayu inabala pa, uling agyu ming pibatan ing kasakitan.

Daniel 3:8

Kanita ra semantalanan ding mapilan karing memalen na ning Babilonia ing pakisiran da la ring Judio.

Mateo 18:24

Mapilan la pa mu ding ayaus na inyang detang de ing metung karela a maki utang milyun-milyun a pesus keya.