Ester 3:8 - Ing Mayap a Balita Biblia

⁸ Kanita na sinabing Haman kang Aring Asueru ing anti kaniti, Atin pung metung a lahi a makakalat king mabilug yung kayarian at atatagpuan la karing balang probinsia. Makayaliwa la ugali at e la bisang mamintu karing kautusan na ning kekayung kayarian. E pu makakayap iti kekayu at king kayarian nung paburen na lang makanyan.

Ester 3:8 Iomraidhean Croise

Ezra 4:6

King pamagumpisa na ning kapamahalan nang Aring Asueru, mindalum la ring memalen ning lugal a ita laban karing tau Juda at Jerusalem.

Nehemias 1:8

Ganakan mu ing sinabi mu king talasuyu mung i Moises. Ngamu, Nung e kayu maging tapat kanaku, ikalat da kayu karing miyayaliwang bansa.

Ester 3:9

Nung burian yu pu, Makamal a Ari, gawa kayung kautusan ban pamaten la ngan deting tau. Nung mika kautusan a anti kanita, siguradung mika atlung dalan pitung pulu't limang toneladang pilak king kaban na ning ari a malyaring magamit king obra na ning kayarian.

Ester 4:1

Inyang abalitan nang Mordecai ing sablang milyari, ginabak na ing imalan na uli na ning lungkut na. Kaybat misulud yang imalan a magaspang at mibili yang abu king buntuk na at miglakad king siudad. Manangis yang masikan at king mitmung kapait-paitan

Jeremias 33:24

E mu wari apansinan ing sasabian da ring tau king aku kanu tinggian ke ing Israel at ing Juda, ding aduang pamilyang kanakung pinili? Inya linawe da la ring taung kanakung pinili king mitmung pamaninsultu at e da na la bitasang tatanggapan antimong metung a bansa.

Jeremias 50:17

Ngana ning Ginu, Mengari ya king tupang panagalan da ing balen ning Israel at sasambulat ding leon. Mumuna, lisuban na la ning ari na ning Asiria at kadua, ngitngat na la ning Aring Nebucadenesar ning Babilonia ding butul da.

Ezekiel 11:16

Ngeni sabian mu karing kalupa mung miyugse ing kanakung sasabian. Aku ing sangkan king pangadala ra karing marayung bansa ban karin na la manuknangan, at aku ing mikalat karela karing aliwang bansa. Makanyan man, pansamantala kung mantabe karela karing bansa nung nukarin la mipadpad.

Ezekiel 6:8

Makanyan man, paburen ku lang makatakas ding mapilan at mikalat la karing aliwang bansa

Daniel 3:8

Kanita ra semantalanan ding mapilan karing memalen na ning Babilonia ing pakisiran da la ring Judio.

Daniel 6:13

Kanita ngara king ari, I Daniel, ing metung karing taung bihag ibat Juda, e na kayu gagalangan ni pamintuan ing kautusan a pepalual yu. Manalangin yang atlung besis patingapun.

Daniel 6:14

Inyang dimdam ning ari iti, melungkut ya at gewa na ing anggang agyu na ban iligtas ne i Daniel. E pepatugut ginawa ketang agyu na angga king limbug ya ing aldo.

Levitico 26:33

Paratangan ku la ding kalaban yu at isalbag da kayu karing aliwang bansa. Mitiwangwang ing gabun yu at malasak la ding siudad yu.

Zacarias 7:14

Anti ing bagyu kinalat ku la ban manuknangan karing dayuan a bansang e ra bitasang balu. Mipaburen ya iting masanting a gabun, at metung man alang manuknangan.

Ding Bilang 23:9

Ketang taluktuk ning bunduk ababatiawan ke; neng makatalakad ku ketang bunduk-bundukan akakit ko ngan. Metung yang bansang magdili-diling manuknangan; balu ra king mas mapalad la kesa karing aliwang bansa.

Juan 7:35

Ngarang misabisabi ding pamuntuk da ring Judio, Nukarin ya kaya munta? Obat e ta ya malyaring akit? Munta ya kaya karing Judio a manuknangan karing siudad da ring Griego? Turu ya kaya karing Griego?

Ding Dapat 24:5

Ikit-ikit mi king ing taung ini nung wari sana, meging metung yang sakit a mapanganib; nu ya man miraras a suluk keti king yatu guguluan na la ding Judio at metung yang manimuna king sekta da ring Nazareno.

Ding Dapat 28:22

Oneng bisa keng makaramdam karing kekang pamalak uling balu mi king nukarin mang lugal magsalita la ding tau laban kaniting sektang kayayaniban mu.

Deuteronomio 30:3

kanita malunus ya kekayu ing Ginung kekayung Dios, at kuanan na kayu karing bansa nung nu kayu miyugse, at ibalik na kayu ketang masaplalang kabilian.

Deuteronomio 32:26

Digsu ku na inari king lub ku ing iyugse ku lang marayu, at pakalinguan a lagyu karing sablang tau,

Deuteronomio 4:27

Iyugse na kayu ning Ginu karing bansa da ring dayuan at ditak la mu ding mitagan kekayu.

Santiago 1:1

Ibat ya iting sulat kang Santiago, ing talasuyu ning Dios at ning Ginung Jesu-Cristo. Pupugayan ku la ngan ding sablang pinili na ning Dios, ding makakalat king mabilug a yatu.

1 Pedro 1:1

Ibat ya iting sulat kang Pedro, ing apostol nang Jesu-Cristo. Miparala ya para kekayung taung pinili na ning Dios a ngening kasalukuyan makakalat bilang dayuan karing probinsia na ning Ponto, Galacia, Capadocia, Asia, at Bitinia.